ប្រាសាទត្រាវ
ប្រាសាទត្រាវមើលពីក្រោយ
ប្រាសាទត្រាវ ស្ថិតនៅភូមិត្រាវ ឃុំគោកដូង ស្រុកអង្គរជុំខេត្ដសៀមរាប ស្ថិតនៅចម្ងាយ ១២គីឡូម៉ែត្រ ពីទីរួមស្រុកអង្គរជុំ ។ ប្រាសាទត្រាវជាប្រាសាទបុរាណដ៏ចំណាស់មួយដែលមានការបំផ្លិចបំផ្លាញពីជនខិលខូចធ្ងន់ធ្ងរ ។
ប្រាសាទត្រាវត្រូវបានកសាងឡើងក្នុងគោលបំណងជាទីប្រារឰ ធ្វើពិធីសក្ការៈដល់សាសនាព្រាហ្មណ៍ ។ ការកសាងគឺផ្ដើមឡើងចាប់ពីភាគដំបូងនៃសម័យអង្គរ អំពីឥដ្ឋ ចំណែកឯសរសរពេជ្រពីថ្មភក់ រចនាលម្អដោយក្បាច់ល្អប្រណីត ។ ប្រាសាទត្រាវសង់ឡើងមានកំពូលតែមួយនៅលើទីទួលធម្មជាតិមួយដែលមានគូទឹកពីក្រៅ បណ្ដោយ១២៥ម៉ែត្រគុណនិង ១១៥ម៉ែត្រ ៕
ប្រភពៈ សាលអាន ថ្ងៃទី ២៩/០៦/២០០៧ (ដកស្រង់ពីកាសែតកម្ពុជាថី្ម)
Comments