ប្រទះឃើញសាកសពស្ត្រីម្នាក់អណ្តែតទឹកទន្លេ នៅក្រុងបាត់ដំបន់
ប្រជាពលរដ្ឋនៅក្រុងបាត់ដំបន់បានប្រទះឃើញសាកសពស្ត្រីម្នាក់អណ្តែតទឹកក្នុងទន្លេមួយកាលពីថ្ងៃពុធ។
សាកសពត្រូវបានប្រជាពលរដ្ឋប្រទះឃើញអណ្តែតក្នុងស្ទឹងសង្កែនៅម៉ោង ៣:០០ រសៀល នៅចំណុចមួយក្រោមស្ពានរថភ្លើង ស្ថិតក្នុងក្រុមទី១ ភូមិវត្តគរ សង្កាត់វត្តគរ ក្រុងបាត់ដំបន់។
សាកសពជនរងគ្រោះត្រូវបានគេស្គាល់ឈ្មោះ ហេត ចន្ធី អាយុ ៣៩ ឆ្នាំ មុខរបរមេផ្ទះ មានទីលំនៅភូមិវត្តតាមិម ឃុំវត្តតាមិម ស្រុកសង្កែ ខេត្តបាត់ដំបន់។
គាត់មានជំងឺរ៉ាំរ៉ៃ ហើយត្រូវបានគេសង្ស័យថាលង់ទឹកពេលកំពុងងូតទឹក។
ក្រោយពីពិនិត្យដោយគ្រូពេទ្យជំនាញផ្នែកកោសល្យវិច្ច័យនៃស្នងការដ្ឋាននគរបាលខេត្ត និងក្រុមគ្រូពេទ្យរួចមក សន្និដ្ឋានថា ជនរងគ្រោះពិតជាស្លាប់ដោយសារលង់ទឹកប្រាកដមែន។
សពត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី។
Comments