Genesis គឺកំពុងជាប់វិបត្តិបន្ទាប់ពី FTX ប្រកាសក្ស័យធន

គ្រប់គ្នាបានដឹងហើយថា FTX បានប្រកាសក្ស័យធនកាលពីសប្តាហ៏មុន។ ដោយសារតែ FTX មិនមែនតែជាទីផ្សារគ្រ៊ីបតូប៉ុណ្ណោះទេគឺ FTX គឺជាក្រុមហ៊ុនវិនិយោគទៅលើគម្រោង និង ក្រុមហ៊ុនគ្រ៊ិបតូដ៏ទៃទៀតផងដែរដូច្នេះការដួលរលំរបស់ FTX លើកនេះគឺនឹងប៉ះពាល់ដល់គម្រោង និង ក្រុមហ៊ុនដ៏ទៃទៀតយ៉ាងច្រើនជាឧទាហរណ៏ដូចក្រុមហ៊ុន 3 នេះបានធ្វើរឿងមិនប្រក្រតីមួយចំនួនដូចខាងក្រោម:

1. ក្រុមហ៊ុនផ្តល់កម្ចីគ្រ៊ីបតូ Genesis បានបិទមិនអោយអតិថិជនដកកាក់។ ក្រុមហ៊ុននេះបានផ្តល់កម្ចីគិតជាទឹកប្រាក់ 2.8 ពាន់លានដុល្លារកាលពីត្រីមាសទី 3 ឆ្នាំ 2022។ Genesis បានបិទមិនប្រតិបត្តិធម្មតាគឺដោយសារអតិថិជនសម្រុកដកកាក់ក៏ដូចជាលុយខ្លាំងពេកធ្វើអោយក្រុមហ៊ុនមិនមានលុយគ្រប់គ្រាន់សម្រាប់ផ្តល់ជូនហើយក្រុមហ៊ុនក៏កំពុងស្វែងរកដំណោះស្រាយផងដែរ។ គួរអោយដឹងផងដែរថា Genesis និង Coindesk មានម្ចាស់តែមួយ។ ហើយការបិទមិនអោយដកកាក់របស់ Genesis ក៏បានធ្វើអោយវេប Crypto Exchange GEMINI របស់សហរដ្ធអាមេរិកមិនអាចប្តូរកាក់បានផងដែរ។
2. ក្រុមហ៊ុន Crypto Exchange របស់ជប៉ុនឈ្មោះ Liquid ដែលមាន FTX ជាម្ចាស់បានបិទមិនអោយអតិថិជនដកកាក់។
3. ក្រុមហ៊ុនផ្តល់កម្ចីគ្រ៊ីបតូឈ្មោះ Blockfi បានរៀបចំខ្លួនក្នុងការក្ស័យធនហើយដោយសារតែក្រុមហ៊ុនបានជាប់កាក់របស់ខ្លូននៅក្នុងក្រុមហ៊ុន FTX ដែលបានក្ស័យធនកាលពីសប្តាហ៏កន្លងមកនេះ ហើយ មានទ្រព្យសម្បត្តិផ្សេងទៀតដែលក្រុមហ៊ុនFTX ជំពាក់ Blockfi ដោយមិនទាន់សង។