Bitcoin Genesis Block

ថ្ងៃទី 3 ខែមករាជាខួបនៃកំណើតរបស់ Bitcoin ដែលព្រឹត្តិការណ៍ដ៏សំខាន់នេះបានកើតឡើងក្នុងឆ្នាំ 2009 នៅពេលដែល Satoshi Nakamoto ជាអ្នកបង្កើត Bitcoin ដែលប្លុកដំបូងនៃ Bitcoin Blockchain ត្រូវបាន mined ហើយត្រូវបានគេស្គាល់ផងដែរថាជា Genesis Block។

 

ប្លុក Genesis មានសំណុំទិន្នន័យប្រតិបត្តិការដំបូងគេរបស់ពិភពលោកសម្រាប់ Bitcoin ដែលប្រតិបត្តិការនេះពាក់ព័ន្ធនឹងការផ្ទេរ 50 BTC ពី Satoshi Nakamoto ទៅខ្លួនគាត់ផ្ទាល់។

 

ប្រតិបត្តិការនេះអានថា “The Times 03/Jan/2009 Chancellor on brink of second bailout for banks” ដែលសំដៅទៅលើអត្ថបទព័ត៌មានថ្ងៃទី 3 ខែមករា ឆ្នាំ 2009 ពីកាសែត The Times អំពីវិបត្តិហិរញ្ញវត្ថុពិភពលោក។

នៅពេលនោះដែរ កំណើតនៃ Bitcoin គឺជាព្រឹត្តិការណ៍ដ៏សំខាន់មួយនៅក្នុងប្រវត្តិសាស្រ្តនៃហិរញ្ញវត្ថុពិភពលោក ដែលនេះគឺដោយសារតែ Bitcoin គឺជារូបិយប័ណ្ណឌីជីថលវិមជ្ឈការ (រូបិយប័ណ្ណវិមជ្ឈការ ដែលមិនមានអន្តរការីសម្រាប់ការត្រួតពិនិត្យ Bitcoin ដូច្នេះអាចផ្តល់ឱ្យអ្នកប្រើប្រាស់នូវការគ្រប់គ្រងពិតប្រាកដលើប្រាក់ផ្ទាល់ខ្លួនរបស់ពួកគេ)។

Bitcoin បានលេចចេញមកជាជម្រើសមួយសម្រាប់ប្រព័ន្ធហិរញ្ញវត្ថុបែបប្រពៃណីដែលត្រូវបានកំណត់ដោយមានដែនកំណត់ និងតម្លាភាព ដែល Bitcoin អាចប្រើដើម្បីផ្ទេរប្រាក់រវាងប្រទេសយ៉ាងងាយស្រួល និងឆាប់រហ័សដោយមិនឆ្លងកាត់អន្តរការីដូចជាធនាគារ ឬស្ថាប័នហិរញ្ញវត្ថុផ្សេងទៀត ហើយវាក៏អាចត្រូវបានប្រើដើម្បីទូទាត់ទំនិញ និងសេវាកម្មផងដែរ។