#តើជ្រើសយកមួយណា?

គេសួរខ្ញុំថា រវាងមនុស្សដែលអ្នកស្រលាញ់ និងមនុស្សដែលស្រលាញ់អ្នក តើជ្រើសយកមួយណា? ថ្ងៃនោះខ្ញុំឆ្លើយថា យកមនុស្សដែលខ្ញុំស្រលាញ់… ស្អែកឡើងខ្ញុំគិតថា យកមនុស្សដែលស្រលាញ់ខ្ញុំ ព្រោះនៅជាមួយមនុស្សដែលមិនស្រលាញ់យើងគឺវេទនាខ្លាំងណាស់ គេនឹងមិនខ្វល់ថាយើងកំពុងតែគិតអីនោះទេ។ ប៉ុន្តែនៅថ្ងៃនេះ អារម្មណ៍នៅតែវិលវល់ ទោះចង់ទៅស្រលាញ់មនុស្សដែលស្រលាញ់ខ្ញុំ ក៏ខ្ញុំនៅតែនឹកមនុស្សដែលខ្ញុំស្រលាញ់គ្រប់វិនាទី។ ខ្ញុំក៏ចាប់ផ្ដើមដឹងថា ស្រលាញ់មនុស្សម្នាក់ក៏ខុសដែរ គឺខុសនៅពេលស្រលាញ់មនុស្សដែលមិនគួរនឹងស្រលាញ់ ស្រលាញ់គេតែម្ខាង ស្រលាញ់មនុស្សដែលគ្មានអារម្មណ៍ជាមួយនឹងយើង ខុសដែលធ្វើឱ្យខ្លួនឯងឈឺចាប់ ខុសដែលមិនចេះឱ្យតម្លៃខ្លួនឯង ខុសដែលធ្វើបាបខ្លួនឯង… ខុសដែលរំខានគេព្រោះតែនឹកគេ ព្រោះតែចង់បានគេ…