#អ្នកប្រាជ្ញចិត្តវិញ្ញាណ

អ្នកប្រាជ្ញចិត្តវិញ្ញាណ ឡៅ ជឺ មានទស្សនៈអំពីការគ្រប់គ្រងខ្លួនឯងរបស់មេដឹកនាំថា “គ្រប់គ្រងចិត្ត គ្រប់គ្រងគំនិត ព្រោះគំនិតនឹងក្លាយជាសម្តី។ គ្រប់គ្រងសម្តី ព្រោះសម្តីនឹងក្លាយទៅជាទង្វើ។ គ្រប់គ្រងទង្វើ ពីព្រោះទង្វើនឹងក្លាយទៅជាលទ្ធផល”។ អ្នកដឹកនាំមិនអាចឈ្នះខ្លួនឯង ច្រើនតែនាំគ្រោះដល់សង្គម។ ជាមនុស្សល្អដែរ តែចាញ់ដៃតណ្ហាខ្លួនឯង កើតចិត្តស្អប់ច្រណែន រកវិធីផ្ចាញ់ផ្ចាលមនុស្សដែលខ្លួនស្អប់។ ផ្ទាញ់មិនបាន ប្រឹងកាច់មួល។ កាច់មួលមិនបាន រកវិធីចោទ។ ចោទមិនបាន មានអំណាចធំក្នុងដៃ ប្រើអំណាចខុសច្បាប់ដើម្បីតែជ័យជម្នះខុសរឿង ជ័យជម្នះនាំគ្រោះទៅថ្ងៃក្រោយ។

បានឈ្នះលើរឿងខុស នាំឱ្យទឹកចិត្តអ្នកចេះដឹងក្តៅក្រហាយ រាស្ត្រមិនសប្បាយចិត្ត។ លុះដល់ពេលមានឱកាស ការបះបោរកើតឡើងដោយសារតែចិត្តមេដឹកនាំគ្រប់គ្រងមិនបានពីដំបូង។ បុព្វហេតុដ៏តូចមួយ ដូចកម្ទេចភ្លើងដ៏តូច តែមានសមត្ថភាពដុតព្រៃទាំងមូល។ #ដួងព្រលឹងមេដឹកនាំ