បើស្រលាញ់គ្នាពិត គឺមិនត្រូវគិតពីឋានៈ

មាន​មនុស្ស​ជាច្រេីន​រេីសយក​ដៃ​គូជាកូន​អ្នក​ធូរធារ​ ឬអ្នកមាន​គួរសម​ ហេីយស្អាត​ ប៉ុន្តែ​អ្នកចង់ជ្រេីស​រេីស​ដៃ​គូដែល​សមល្មមនិងគ្នា​ មិនមានពេកនិងមិនស្អាតពេក សុំត្រឹមតែ​ចេះ​តស៊ូ​ជាមួយគ្នានិងមិនទៅចោលគ្នា​នាពេល​ដែលកំពុង​លំបាក​ទៅបានហើយ បើចូលចិត្តនឹងស្រលាញ់នរណាម្នាក់ ភាពខុសគ្នាត្រង់ថា បើអ្នកគ្រាន់តែស្រលាញ់គេ ឬធ្វើជាស្រលាញ់ ថ្ងៃណាមួយអ្នកនឹងធុញគេ តែបើអ្នកស្រលាញ់គេពិត អ្នកនឹងចង់ថែរក្សាគេអស់មួយជីវិត ហើយទោះបីអ្នកធុញនឹងគេប៉ុណ្ណាក៏ដោយ ក៏អ្នកគ្មានថ្ងៃលែងដៃពីគេបានដែរ ពីមនុស្សដែលអ្នកស្រលាញ់ឡើយ។

ហើយបើអ្នកស្រលាញ់គេនៅតែប្រកាន់ឋានៈ គឺអ្នកគ្មានសេចក្ដីស្រលាញ់ពិតឡើយ អ្នកគ្រាន់តែ​តាម​ស្រលាញ់​គេដើម្បីខ្លួនឯងតែប៉ុណ្ណោះ ព្រោះអ្នកមិនដែលគិតថាស្រលាញ់គេពិត ឬឲ្យតម្លៃគេមិនស្មើនិងខ្លួនឯង ក្ដីស្រលាញ់បែបនេះ គឺមិនដែលផ្ដល់​កម្លាំង​ចិត្តឲ្យ​គ្នា គ្រាន់តែមក​ធ្វើ​បាបចិត្តគ្នាទៅវិញទេ ហើយក៏គ្មានអ្នកណា​ល្អ​ត្រូវ​ចិត្ត​អ្នក​គ្រប់ចំណុច​នោះទេ បើអ្នកស្រលាញ់​គ្នាហើយ ចូរ​ស្រលាញ់​នូវ​ចំណុច​ល្អ​របស់​គ្នា ហើយ​​ត្រូវចេះអភ័យទោសឲ្យ​គ្នា​ចំពោះចំណុច​ដែលខ្វះខាត កុំបាច់ចង់ធ្វើជាម្ចាស់​គ្រប់គ្រងជីវិតរបស់គេ តែត្រូវសប្បាយចិត្ត​ដែល​បាន​ក្លាយ​ជា​ចំណែក​សំខាន់ក្នុង​ជីវិត​របស់​គ្នា​ទៅវិញ​ទៅមក ទើបអ្នកអាចរកក្ដីស្រលាញ់ដ៏ស្មោះត្រង់ពីមនុស្សដែលអ្នកស្រលាញ់បាន។ បើស្រលាញ់គ្នាពិត សូមកុំគិតពីឋានៈ។