របៀបធ្វើបុកពោតរសជាតិពិសេស

#របៀបធ្វើបុកពោតរសជាតិពិសេស

#គ្រឿងផ្សំ

- ពោតស្ងោរ ១ផ្លែ ចិតយកតែសាច់

- ត្រសក់ ១ផ្លែចិតជាចំណិតវែង ៣ថ្នាំងដៃ

- សណ្តែកគួរ ២គួរ កាត់ ២ថ្នាំងដៃ

- ការ៉ុត ១ចំហៀង ឈូសជាសសៃវែង 

- បង្គាក្រៀម បន្តិច 

- ក្រូច ២-៣ចំណិត

- ទឹកត្រី ១ស្លាបព្រាបាយកន្លះ

- ស្ករស ១ស្លាបព្រាកាហ្វេ

- ប៊ីចេង ១ស្លាបកាហ្វេ

- ខ្ទឹមស ២កំពឹស

- សណ្តែកដីលីង ៣ស្លាបព្រាបាយ

- ស៊ុតស្ងោរឆ្អិន ២គ្រាប់ចិតជាចំណិតកុំតូចពេក

- ប៉េងប៉ោះ ១ផ្លែចិតជាដុំ

- ម្ទេស ដាក់តាមចូលចិត្ត

#វិធីធ្វើ

១. ដំបូងយកខ្ទឹមស ម្ទេស បង្គាក្រៀម សណ្តែកគួរ ដាក់ចូលក្នុងត្បាល់រួចបុក ពេលដាក់មួយមុខបុកមួយមុខ (បុកតិចៗ) ។

២. បន្ទាប់មកទៀតដាក់ប៉េងប៉ោះ ទឹកត្រី ស្ករស ប៊ីចេង និងច្របាច់ក្រូចឆ្មាដាក់ បុកវាថើរៗបន្តិចទៀត។

៣. យកត្រសក់, ការ៉ុត, ពោត និងសណ្តែកដីលីងដាក់ចូលបុកបន្តិច រួចចូកត្រឡប់វាចូលគ្នាឲ្យសព្វដួសដាក់ចានយកពងទារៀបដាក់ពីលើជាការស្រេច៕

បញ្ជាក់: បន្លែអាចដាក់តាមចំនូលចិត្ត