របៀបធ្វើបាញ់ហយទឹកត្រីផែ្អម

#របៀបធ្វើបាញ់ហយទឹកត្រីផែ្អម

#គ្រឿងផ្សំ

_បាញ់ហយ១គ.ក

_សាច់គោ ១ខាំ ហាន់ស្តើងៗ

_សាច់ជ្រូកបីជាន់ ២ខាំ លៀងអោយស្អាត

_ខ្ទឹមបារាំង កន្លះមើម ហាន់ស្តើងៗ

_ខ្ទឹមស ១ដើម ហាន់ស្តើងៗ

_សាឡាដ៏ ២ខាំ ដាក់ត្រាំក្នុងទឹកអំបិលពី ១០ ទៅ ១៥នាទី ដើម្បីលាងជំរះសារធាតុគីមី

_ត្រសក់ ២ផ្លែ ចិតសំបកចេញខ្លះ ហើយចិតជាបន្ទះៗ

_ជីគ្រប់មុខ១ក្បង់ដៃ បេះយកស្លឹកហើយលៀងអោយស្អាត

_ខ្ទឹមស ២មើម ហាន់ជាបន្ទះស្តើងៗ

_អំបិល ១ចុងស្លាព្រាកាហ្វេ

_ម្រិចបន្តិច

_ទឹកប្រេងខ្យង១ស្លាបព្រាកាហ្វេ

_ប្រេងឆា ១ស្លាបព្រាបាយ

_ប្រេងអូលីវ ឬ ប្រេងឆា ស្លាបព្រាកាហ្វេ

#គ្រឿងធ្វើទឹកត្រីផ្អែម

ក្រូចឆ្មារ ២ ទៅ ២ស្លាបព្រាបាយកន្លះ

ស្ករត្នោត២ស្លាបព្រាបាយ

ខ្ទឹមស២មើម ហាន់ស្តើងៗ

ទឹកត្រី ២ស្លាបព្រាបាយកន្លះ

អំបិលកន្លះស្រាបព្រាកាហ្វេ

ស៊ុបមាន់ខ្នរ កន្លះស្រាបព្រាកាហ្វេដើម្បីបន្ថែមរសជាតិ

សណ្តែកដីលីង ២ស្លាបព្រា

ម្ទេស ១ផ្លែ

ទឹក២០០មល

#វិធីធ្វើទឹកត្រីផ្អែម

ដាក់ ស្ករត្នោតចូលទៅក្នុងឆ្នាំងបើកភ្លើងកំដៅហើយកូរ រួចដាក់ខ្ទឹមសចូល បន្ទាប់មកដាក់ទឹក និង ទឹកត្រីចូលរួចដាំអោយពុះ។

បន្ថែមអំបិល ទឹកក្រូចឆ្មារ និងស៊ុបមាន់ខ្នរ ដាំអោយពុះម្តងទៀតហើយលើកចេញ។

ពេលយកទៅញ៉ាំអ្នកអាចបន្ថែម ម្ទេស និង សណ្តែកដីតាមចំណូលចិត្ត។

ចំណាំ៖ ទឹកត្រីនេះត្រូវធ្វើអោយបានយ៉ាងតិច ១ ម៉ោងមុនយកទៅញ៉ាំដើម្បីអោយមានរសជាតិឆ្ងាញ់។

(ទឹកត្រីនេះអាចរក្សាទុកនៅក្នុងទូទឹកកកបានជិតមួយខែ)

របៀបរៀបបាញ់ហយ៖

រៀបបាញ់ហយក្នុងចាន ឬ ថាស ហើយលាបប្រេងដែលលាយជាមួយស្លឹកខ្ទឹមពីលើ។

#របៀបចំអិនសាច់

ដាំទឹកអោយពុះហើយដាក់សាច់ជ្រូកបីជាន់ចូល ទុកអោយឆ្អិនល្មមសឹមលើកចេញ។

ដាក់ ប្រងឆា១ស្លាបព្រាបាយចូលទៅក្នុងខ្ទះហើយកំដៅអោយក្តៅបន្ទាប់មក ដាក់ខ្ទឹមស ខ្ទឹមបារាំង កូរអោយឡើងក្រហម និងមានក្លិនឈ្ងុយ

បន្ទាប់មកដាក់សាច់គោ ម្រេច អំបិល ប្រេងខ្យង ឆារហូតអោយឆ្អិនល្មម។

#របៀបញ៉ាំ៖

ជាធម្មតាការញ៉ាំបាញ់ហយមុនដំបូងយើងយកសាឡាដ៏មកទ្រាប់ហើយដាក់បាញ់ហយពីលើដាក់សាច់ឆា សាច់ជ្រូក៣ជាន់ ជី ត្រសក់ ហើយបត់សាឡាដ៏ចូលគ្នាទើបយកទៅជ្រលក់ក្នុងទឹកត្រីហើយទើប យកមកញ៉ាំ។