ជំងឺចាញ់ច្រាបគេ(Social Anxiety Disorder)

វាជារឿងធម្មតាទេដែលមានការព្រួយបារម្ភ រឺភ័យជាដើមនៅក្នុងស្ថានភាពណាមួយក្នុងសង្គម។

ឧទាហរណ៍៖ ការណាត់ជួបលើកដំបូង ឬការធ្វើបទបង្ហាញ ផ្សេងៗ ដែលយើងនឹងមានអារម្មណ៍ភ័យ បារម្ភភឺតពោះជាដើម។ ប៉ុន្តែនៅក្នុងជំងឺចាញ់ច្រាបគេ(Social Anxiety Disorder) ដែលហៅថាការភ័យខ្លាចសង្គម ដូចជាការប្រាស្រ័យទាក់ទងគ្នាប្រចាំថ្ងៃ បណ្តាលឱ្យមានការថប់បារម្ភនិងអារម្មណ៍អៀនខ្មាស់ដោយសារតែអ្នកខ្លាចត្រូវបានអ្នកដទៃវាយតម្លៃឬវិនិច្ឆ័យអវិជ្ជមានជាដើម។

ជំងឺចាញ់ច្រាបគេ(Social Anxiety Disorder) ភាពភ័យខ្លាចនិងការថប់បារម្ភនាំឱ្យមានការព្យាយាមគេចវេស ហើយដកខ្លួនចេញពីសកម្មភាពទាំងឡាយនោះ។ ភាពតានតឹងធ្ងន់ធ្ងរអាចជះឥទ្ធិពលដល់ទំនាក់ទំនងការងារប្រចាំថ្ងៃ ការរៀនសូត្រឬសកម្មភាពផ្សេងៗទៀត។

 

រោគសញ្ញា

រោគសញ្ញាផ្នែកអារម្មណ៍និងអាកប្បកិរិយាអាចរួមមាន៖

ការភ័យខ្លាចការវាយតម្លៃអវិជ្ជមានពីមនុស្សជំវិញខ្លួន

ព្រួយបារម្ភខ្លាំងទៅលើការទំនាក់ទំនងណាមួយ

បារម្ភពីភាពអាម៉ាស់ឬធ្វើឱ្យខ្លួនឯងអាម៉ាស់មុខ

តែងតែវិភាគឡើងវិញនៅគុណវិបត្តិរបស់ខ្លួនបន្ទាប់ពី

ព្រឹត្តិការណ៏បានបញ្ចប់

អារម្មណ៍អន្ទះសារ

និយាយញ័រមាត់ រឺមិនហ៊ានមើលមុខគេចំ

រោគសញ្ញារាងកាយ

មុខក្រហម

ចង្វាក់បេះដូងលោតញាប់

ញ័រដៃ ជើង

បែកញើស

ឈឺក្រពះឬចង្អោរ

ពិបាកដកដង្ហើម

វិលមុខឬព្រឺក្បាល

មានអារម្មណ៍ថាគំនិតរបស់អ្នកបានបាត់បង់ហើយ

តានតឹងសាច់ដុំ

ព្យាយាមគេចចេញពីស្ថានភាពសង្គម ប្រចាំថ្ងៃដូចជា ៖

ការប្រាស្រ័យទាក់ទងជាមួយមនុស្សឬមនុស្សថ្មីដែលមិនធ្លាប់ស្គាល់

ចូលរួមពិធីជប់លៀងឬការជួបជុំសង្គមទៅធ្វើការឬទៅសាលារៀន

ការណាត់ជួប

ចូលបន្ទប់ដែលមនុស្សច្រើន

ញ៉ាំអីនៅមុខអ្នកដទៃ

ការប្រើប្រាស់បន្ទប់ទឹកសាធារណៈជាដើម

 

ជំងឺចាញ់ច្រាបគេ(Social Anxiety Disorder)អាចជាស្ថានភាពសុខភាពផ្លូវចិត្តរ៉ាំរ៉ៃប៉ុន្តែ ការរៀនពីរបៀបដោះស្រាយ ការព្យាបាលបែបចិត្តសាស្ត្រនិងការប្រើថ្នាំអាចជួយអ្នកឱ្យមានទំនុកចិត្តនិងបង្កើនសមត្ថភាពក្នុងការទំនាក់ទំនងជាមួយអ្នកដទៃ និងជាសះស្បើយពីជំងឺផ្លូវចិត្តមួយនេះ។