ខេត្តស្ទឹងត្រែង

លោក សាន ម៉ៅ​ ជាពលរដ្ឋរស់នៅក្នុងស្រុកថាឡាបរិវ៉ាត់ ខេត្តស្ទឹងត្រែង និងមានរបរជានេសាទត្រី ធ្វើស្រែចម្ការ និងដឹកភ្ញៀវទេសចរ ក្នុងសហគមន៍អេកូទេសចរណ៍បូរីអូរស្វាយ។ ដូចអ្នកស្រុកទន្លេឯទៀតដែរ លោកបានចាប់ផ្ដើមការនេសាទត្រី ជាលក្ខណៈគ្រួសារនេះ តាំងពីក្មេងៗមកម្ល៉េះ។ បុរសសម្បុរស្រអែមរូបនេះ ប្រាប់សារព័ត៌មានថ្មីៗ២៥ថា បច្ចុប្បន្នការនេសាទត្រី រកមិនសូវបានទេ ខណៈថ្ងៃខ្លះរកមិនបានសោះក៏មាន។ 




ស្ថិតនៅលើកោះទន្សាយ នៃសហគមន៍អេកូទេសចរណ៍បូរីអូរស្វាយ ប្រជានេសាទរូបនេះ ប្រៀបធៀបទិន្នផលនេសាទ ពីមុននិងបច្ចុប្បន្នដូច្នេះ ៖ «១០ ឬ២០ឆ្នាំមុន ត្រីសម្បូរ និងរកហូបប្រចាំថ្ងៃមិនខ្វះ និងបានដោះស្រាយជីវភាពគ្រួសារ បន្ទាប់បន្សំ។ ប៉ុន្តែ១០ឆ្នាំមកមុខនេះពិបាក»។