ការសេពគប់មនុស្ស

ការសេពគប់មនុស្សវាជារឿងល្អហើយ ប្រសិនបើការសេពគប់នោះមានភាពស្មោះសរនឹងគ្នា ជាពិសេសជាមួយមនុស្សដែលមានចិត្តគំនិតចាស់ទុំ និងមានចរិតមារយាទល្អ។ ប៉ុន្តែទោះជាយ៉ាងណាក្តី ចូរកុំភ្លេចថាពេលខ្លះមនុស្សដែលចូលមកក្នុងជីវិតយើង ពួកគេគ្រាន់តែសម្ដែងធ្វើជាល្អផ្អែមល្ហែមជាមួយយើងប៉ុណ្ណោះ។ កុំទុកចិត្តគេខ្លាំងពេក ព្រោះមនុស្សភាពច្រើនរងគ្រោះដោយសារតែទុកចិត្តគេពេកនេះឯង។ កុំទុកចិត្តរហូតដល់បាត់ការប្រុងប្រយ័ត្ន។ និយាយបែបនេះ មិនមែនមានន័យថាមិនឱ្យទុកចិត្តនោះទេ ប៉ុន្តែកុំឱ្យទុកចិត្ត១០០% ភ្លេចខ្លួន!