អតីតអ្នកជំនាញមូលនិធិហានិភ័យ លោក Gary Bode លើកឡើងថា ការធ្លាក់ចុះ ៥០% របស់ Bitcoin មិនមែនជាវិបត្តិឡើយ

ការធ្លាក់ចុះជិត ៥០% របស់ Bitcoin ពីតម្លៃខ្ពស់បំផុតមិនធ្លាប់មាននាពេលថ្មីៗនេះ បានធ្វើឱ្យវិនិយោគិនមានការរង្គោះរង្គើ ប៉ុន្តែលោក Gary Bode ដែលជាអ្នកជំនាញជើងចាស់ក្នុងវិស័យមូលនិធិហានិភ័យ (Hedge Fund) និយាយថា ការលក់ចេញយ៉ាងខ្លាំងនេះមិនមែនជាវិបត្តិទេ វាគ្រាន់តែជាចរិតលក្ខណៈធម្មតារបស់ Bitcoin តែប៉ុណ្ណោះ។ នៅក្នុងការបង្ហោះលើបណ្តាញសង្គម X លោក Bode បានលើកឡើងថា ការធ្លាក់ចុះតម្លៃយ៉ាងគំហុក គឺជាលក្ខណៈពិសេសដែលមានស្រាប់របស់ Bitcoin ដោយលោកបានកត់សម្គាល់ថា កាលពីមុនវាក៏ធ្លាប់ធ្លាក់ចុះពី ៨០% ទៅ ៩០% រួចមកហើយដែរ ប៉ុន្តែបន្ទាប់មកវាតែងតែងើបឡើងវិញជាមួយនឹងការកើនឡើងយ៉ាងខ្លាំងក្នុងរយៈពេលវែង។

លោក Bode បានលើកឡើងថា ភាពប្រែប្រួលនាពេលថ្មីៗនេះ គឺបណ្តាលមកពីការយល់ច្រឡំរបស់ទីផ្សារចំពោះគោលនយោបាយរបស់ធនាគារកណ្តាលអាមេរិក (Federal Reserve)។ វិនិយោគិនមានការភ័យខ្លាចចំពោះការតែងតាំងលោក Kevin Warsh ជាប្រធានធនាគារកណ្តាលបន្ទាប់ ដោយបារម្ភថាអត្រាការប្រាក់ខ្ពស់នឹងប៉ះពាល់ដល់ទ្រព្យសកម្មដែលមិនផ្តល់ការប្រាក់ដូចជា Bitcoin ជាដើម។ ការភ័យខ្លាចនេះបានបង្កឱ្យមានការហៅទារប្រាក់កក់បន្ថែម (Margin calls) និងបង្ខំឱ្យមានការលក់ចេញ។ ទោះជាយ៉ាងណាក៏ដោយ លោក Bode ជឿថាទីផ្សារបានយល់ខុស ដោយលោកបានចង្អុលបង្ហាញពីការគាំទ្រកាលពីមុនរបស់លោក Warsh ចំពោះការបញ្ចុះអត្រាការប្រាក់ និងឱនភាពថវិកាអាមេរិកដែលកំពុងបន្ត ដែលវានឹងកម្រិតសមត្ថភាពរបស់ធនាគារកណ្តាលក្នុងការគ្រប់គ្រងអត្រាការប្រាក់រយៈពេលវែង។

ចំពោះមូលហេតុផ្សេងទៀត ដូចជាការលក់ចេញពីសំណាក់ "Whales" (អ្នកកាន់កាប់ Bitcoin ចំនួនច្រើន) លោក Bode មិនមានការព្រួយបារម្ភឡើយ។ លោកចាត់ទុកថា នេះគឺជាការលក់យកចំណេញធម្មតា មិនមែនជាសញ្ញានៃភាពទន់ខ្សោយរយៈពេលវែងនោះទេ។ លោកក៏បានកាត់បន្ថយការបារម្ភជុំវិញលទ្ធភាពដែលក្រុមហ៊ុន MicroStrategy (MSTR) អាចនឹងលក់ Bitcoin ដោយលោកនិយាយថា ផលប៉ះពាល់ណាមួយនឹងកើតឡើងតែមួយរយៈពេលខ្លីប៉ុណ្ណោះ។

លោក Bode ក៏បានបកស្រាយពីការបារម្ភអំពី "Paper Bitcoin" (Bitcoin លើក្រដាស) ដែលកើតចេញពីមូលនិធិ ETF និងឧបករណ៍ហិរញ្ញវត្ថុដទៃទៀត (Derivatives) ដោយសង្កត់ធ្ងន់ថា ឧបករណ៍ទាំងនេះមិនអាចផ្លាស់ប្តូរចំនួនផ្គត់ផ្គង់កំណត់ត្រឹម ២១ លានកាក់ របស់ Bitcoin បានទេ។ លោកបានបន្ថែមថា ការភ័យខ្លាចចំពោះតម្លៃថាមពល និងហានិភ័យនៃការជីកកាក់ (Mining) គឺជាការលើកឡើងហួសពីការពិត ជាពិសេសនៅពេលដែលបច្ចេកវិទ្យាថាមពលថ្មីៗកំពុងលេចឡើង។

តាមទស្សនៈរបស់លោក Bode ភាពប្រែប្រួលតម្លៃរបស់ Bitcoin មិនបានធ្វើឱ្យវាក្លាយជាទ្រព្យសកម្មដែលគ្មានតម្លៃសម្រាប់រក្សានូវទំហំសាច់ប្រាក់ (Store of value) នោះទេ។ ផ្ទុយទៅវិញ វាឆ្លុះបញ្ចាំងពីទ្រព្យសកម្មវ័យក្មេង និងសេរី (Permissionless asset) ដែលកំពុងស្វែងរកកន្លែងឈរជើងរបស់ខ្លួន។ សម្រាប់វិនិយោគិនរយៈពេលវែង លោកថាការប្រែប្រួលតម្លៃយ៉ាងខ្លាំងមិនមែនជាសញ្ញាព្រមានគ្រោះថ្នាក់នោះទេ ប៉ុន្តែវាគឺជាផ្នែកមួយនៃដំណើរការវិនិយោគនេះឯង។

Bitcoin’s 50% Drop Isn’t a Crisis, Says Hedge Fund Veteran Gary Bode

Bitcoin’s nearly 50% fall from recent all-time highs has shaken investors, but hedge fund veteran Gary Bode says the selloff is not a crisis, it’s simply bitcoin behaving as it always has. In a post on X, Bode said sharp declines are a built-in feature of bitcoin, noting that past drawdowns of 80% to 90% were followed by strong long-term gains.

Bode argues the recent volatility was driven largely by market misinterpretation of Federal Reserve policy. Investors reacted nervously to the nomination of Kevin Warsh as the next Fed chair, fearing higher interest rates that would hurt non yielding assets like bitcoin. That fear triggered margin calls and forced selling. However, Bode believes the market got it wrong, pointing to Warsh’s past support for lower rates and ongoing U.S. deficits that limit the Fed’s control over long-term yields.

Other explanations, such as early “whales” selling large holdings, don’t worry Bode. He sees this as normal profit taking, not a sign of long-term weakness. He also downplayed concerns around Strategy (MSTR) potentially selling bitcoin, saying any impact would likely be temporary.

Bode also addressed concerns about “paper bitcoin” from ETFs and derivatives, stressing that these instruments don’t change bitcoin’s fixed supply of 21 million coins. Energy cost fears and mining risks, he added, are overstated, especially as new energy technologies emerge.

In Bode’s view, bitcoin’s volatility does not disqualify it as a store of value. Instead, it reflects a young, permissionless asset still finding its place. For long-term investors, he says, sharp price swings are not a warning sign, they’re part of the deal.