សមាជិកNATO ស្លូវ៉ាគី ចាប់ផ្តើមដាក់ពង្រាយប្រព័ន្ធការពារដែនអាកាស Patriot

សមាជិកNATO ស្លូវ៉ាគី ចាប់ផ្តើមដាក់ពង្រាយប្រព័ន្ធការពារដែនអាកាស Patriot
    រុស្ស៊ីបានព្រមានប្រឆាំងនឹងការដឹកជញ្ជូនអាវុធការពារអាកាសទំនើបៗ ទៅអ៊ុយក្រែនហើយបានព្រមានថាខ្លួនអាចកំណត់គោលដៅ ផ្គត់ផ្គង់សព្វាវុធរបស់លោកខាងលិច។រដ្ឋមន្ត្រីការពារជាតិស្លូវ៉ាគីបាននិយាយកាលពីថ្ងៃអាទិត្យថា ប្រព័ន្ធការពារដែនអាកាស Patriot បានចាប់ផ្តើមមកដល់ប្រទេសស្លូវ៉ាគីពីប្រទេសដៃគូរបស់អង្គការណាតូ ហើយការដាក់ពង្រាយនឹងបន្តនៅប៉ុន្មានថ្ងៃខាងមុខនេះ។ប្រព័ន្ធនេះនឹងដំណើរការដោយកងទ័ពអាល្លឺម៉ង់ និងហូឡង់ ហើយដំបូងឡើយនឹងត្រូវដាក់ពង្រាយនៅអាកាសយានដ្ឋាន Sliac នៅកណ្តាលស្លូវ៉ាគី ដើម្បីជួយពង្រឹងការការពារផ្នែកខាងកើតរបស់អង្គការណាតូ។ការឈ្លានពានរបស់រុស្ស៊ីលើអ៊ុយក្រែនបានជំរុញឱ្យសម្ព័ន្ធភាពពង្រឹងការការពាររបស់ខ្លួន។
ប្រព័ន្ធ Patriot នឹងក្លាយជាផ្នែកមួយនៃក្រុមប្រយុទ្ធថ្មីរបស់ណាតូក្នុងប្រទេសស្លូវ៉ាគីដែលជាប្រទេសជិតខាងអ៊ុយក្រែន។
    លោក Nad បាននិយាយថា "ជាបណ្ដោះអាសន្ន ប្រព័ន្ធនេះនឹងត្រូវដាក់ពង្រាយនៅមូលដ្ឋានទ័ពអាកាស Sliac តំបន់ដាក់ពង្រាយបន្ថែមទៀតកំពុងត្រូវបានពិគ្រោះ... ដូច្នេះឆ័ត្រសន្តិសុខគ្របដណ្តប់ផ្នែកធំបំផុតនៃទឹកដីស្លូវ៉ាគី" ។លោករដ្ឋមន្ត្រីបាននិយាយកាលពីសប្តាហ៍មុនថា ស្លូវ៉ាគី មានឆន្ទៈក្នុងការផ្តល់ S-300 ដល់អ៊ុយក្រែន ប្រសិនបើ និងពេលណាដែលវាទទួលបានការជំនួសត្រឹមត្រូវ។