ខ្លួន គឺជាទីពឹងដ៏ប្រសើរ

ខ្លួន គឺជាទីពឹងដ៏ប្រសើរ។ អ្នកដទៃទោះបី កូនក្តី ភរិយា ក្តី ស្វាមីក្តី ក៏មិនអាចជួយកំចាត់សេចក្តីអាក្រក់ចេញពីខ្លួនយើងបាននោះទេ យ៉ាងច្រើនអាចត្រឹមតែប្រាប់ផ្លូវល្អប៉ុណ្ណោះ។ សូម្បីព្រះពុទ្ធក៏ទ្រង់បង្រៀនឲ្យដុះខាត់ចិត្តខ្លួនឯង កំចាត់អកុសលធម៌ចេញពីចិត្តដោយខ្លួនឯងផងដែរ ព្រោះអរហត្តផល មិនអាចជួយសម្រេចឲ្យគ្នាបាននោះទេ។ការអប់រំចិត្តរបស់ខ្លួន​ជាប្រចាំ​ ការមានសតិគ្រប់ពេលវេលា។ការឆ្លុះបញ្ចាំងពីជីវិតជាប្រក្រតី​ ការរក្សាសីលជាទម្លាប់​​ ការព្យាយាមកំចាត់អកុសលធម៌​ និងការទូន្មានខ្លួនជារឿយៗ​ ទាំងអស់នេះ​ គឺជាប្រភពនៃសេចក្តីសុខ។