ទំនាក់ទំនងចុងក្រោយ

“ទំនាក់ទំនងចុងក្រោយ”

 

 

 

ទំនាក់ទំនងចុងក្រោយរបស់ខ្ញុំបានបង្រៀនខ្ញុំថា កុំរំពឹងខ្លាំងជាមួយទំនាក់ទំនង បើខ្ញុំរំពឹងខ្លាំងយ៉ាងណាអ្នកដែលឈឺចាប់នៃចុងបញ្ចប់នោះគឺខ្ញុំ ហើយកុំព្យាយាមឱ្យឱកាសគេម្ដងហើយម្ដងទៀត ព្រោះឱកាសបើកាលណាយើងឱ្យគេច្រើនពេក នោះគេនឹងលែងក្រែងចិត្តក្នុងការបង្កើតកំហុស ព្រោះយើងចេះតែអាធ្យាស្រ័យ អភ័យទោសម្តងហើយម្តងទៀត…។ កំហុសម្ដងចាត់ទុកថាវាជារឿងចៃដន្យ កំហុសលើកទី២អាចថាជារឿងយល់ច្រឡំ តែបើវាកើតឡើងដដែលៗច្រើនដងពេក វាអាចក្លាយទៅជាទម្លាប់ហើយ។ ការដែលផ្ដល់ឱកាសឱ្យម្តងហើយម្តងទៀត វាក៏ជាផ្នែកមួយដែលធ្វើឱ្យយើងជាមនុស្សតែម្នាក់គត់ដែលនឹងឈឺចាប់ខ្លាំងព្រោះតែ ពាក្យលែងក្រែងចិត្តនេះឯង ....។