“ស្អែកម្ដងទៀត”

នៅពេលមានបញ្ហាម្ដងៗ ខ្ញុំបានព្យាយាមឈប់ដាក់ខ្លួនឯងនៅក្នុងបញ្ហាដ៏ចាក់ស្រែស ហើយដកខ្លួនឯងមកមើលបញ្ហានោះពីចម្ងាយជំនួសវិញ ដើម្បីឱ្យខ្លួនឯងអាចមើលពីទំហំនៃបញ្ហាបានច្បាស់ និងអាចរកដំណោះស្រាយដ៏សមស្របមួយ។ ការបង្រៀនខ្លួនឯងឱ្យឈប់ទោរទន់តាមបញ្ហា ក៏ជាវិធីសាស្ត្របង្វឹកមួយទៀតដ៏មានប្រសិទ្ធភាពយូរអង្វែងផងដែរ។ ពេលជួបបញ្ហា ខ្ញុំឈប់ស្ដាប់ចម្រៀងកម្សត់ដែលត្រូវរឿងខ្លួនឯង ហើយបែរមកស្ដាប់ចម្រៀងលើកទឹកចិត្ត អានសៀវភៅលើកទឹកចិត្ត អានប្រយោគ ឬអត្ថបទលើកទឹកចិត្តជំនួសវិញ។