អូនបន្ទោសបងថា

អូនបន្ទោសបងថា បងជាប្រុសល្ងង់ កូនប្រុសពិតប្រាកដត្រូវចេះជ្រើសរើសនារីដែលស័ក្ដិសមជាមួយខ្លួន។ បើស្នេហាតម្រូវតែត្រឹមភាពស័ក្ដិសមនោះ បងសុំធ្វើជាប្រុសល្ងង់សម្រាប់អូនចុះ។ នៅពេលដែលបងបានជួបអូន ទើបបងបានយល់ច្បាស់ជម្រៅនៃពាក្យថាស្នេហ៍ ហើយវត្ថុដែលកាត់ថ្លៃស្នេហាបានមានតែមួយគត់ គឺបេះដូងបរិសុទ្ធ ស្នេហាពិតដែលមិនត្រូវការអ្វីមកថែមពណ៌ បន្លំភ្នែក ក្រៅពីដួងចិត្តស្មោះស្ម័គ្រ។ បើអូនចង់ផ្តាច់ក្ដីស្នេហាដែលបងមានចំពោះអូន ទាល់តែអូនផ្តាច់ពូជកុលាបឱ្យអស់ពីផែនដីនេះទាំងមូល។