ធម្មជាតិ ឬធម៌ គឺមិនស្គាល់ហេតុផល និងមិនខ្វល់ខ្វាយអំពីចិត្តសាស្ត្រ ឧបាយកល្បនៃគំនិតនោះល្អ ឬអាក្រក់ ឬ/និងការច្នៃប្រឌិតហេតុផល ឱ្យសមហេតុផលនៃចិត្តស៊ីអារម្មណ៍ របស់មនុស្សគ្រប់គ្នាឡើយ។
ធម្មជាតិ [ធម៌ ឬធម្ម] គឺជាច្បាប់សាកល ឥតល្អៀងសូម្បីប៉ុនសសៃសក់ជ្រៀកឱ្យល្អិតជាង១០០០ដង។ ធម៌ផ្តល់ផលកម្ម អាស្រ័យសង្ខារធម៌ ធម្មសញ្ញា និងកំលាំងធម្មៈ ជាកុសល ឬអកុសល ដែលបាន និងកំពុងកកើតឡើង បង្កើតឡើង និងសន្សំកំលាំងធម្មធាតុវាកាន់តែច្រើនឡើង ក្នុងខ្លួនអ្នក។
ធម៌ ឬធម្មជាតិ គ្មានហេតុផល ក៏មិនចេះស្តាប់ហេតុផល ក៏មិនស្គាល់ហេតុផលរបស់មនុស្សផងដែរ។ ធម៌ គឺជាដំណើរការឱ្យផលកម្ម ទៅតាមកំលាំងបុណ្យ និងបាបក្នុងខ្លួនអ្នក ទៅតាមកាលវេលាកម្ម ឥតល្អៀងបន្តិចណាឡើយ។នេះជាច្បាប់នៃការបង្កើតជីវិត ទ្រទ្រង់ជីវិត និងបំផ្លាញជីវិត សព្វសត្វ ដើម្បីបង្កើតតុល្យធម៌ នៃដំណើរវដ្តជីវិតសព្វសត្វ។
1493.196 SRY