តើកំហឹងគឺជាអ្វី ?

តើកំហឹងគឺជាអ្វី ?

១- កំហឹងគឺជាការផឹកថ្នាំពុលខ្លួនឯងហើយសង្ឃឹមថាមនុស្សដែលខ្លួនស្អប់នឹងស្លាប់ ។

២- កំហឹងគឺជាគ្រាប់បែក ដែលវាបំផ្លាញខ្លួនឯងជាមុនសិន មុននឹងបំផ្លាញអ្នកដទៃ ។

៣- កំហឹងគឺជាការដាក់ទណ្ឌកម្មខ្លួនឯង ព្រោះតែយល់ថាអ្នកដទៃមានកំហុស ។

៤- កំហឹងកើតឡើងនៅពេលជិតស្លាប់នឹងមានកំណើតនៅឋាននរកបាតាល(លោភៈកើតជាប្រេត ទោសៈកើតជានរក មោហៈកើតជាតិរិច្ឆាន) ។

ហេតុនាំឲ្យកើតកំហឹងព្រោះរលត់សតិ កើតមានះប្រកាន់ ព្រោះអវិជ្ជានិងតណ្ហាបាំមុខ (លោភៈបាំងអនិច្ចំ ទោសៈបាំងទុក្ខំ មោហៈបាំងអនត្តា) ផលរបស់កំហឹងគឺទុក្ខតែម៉្យាងគត់ ។

នៅពេលចិត្តអ្នកយល់ព្រមជាមួយបញ្ហាដែលដោះស្រាយមិនចេញ អ្នកនឹងមានក្តីសុខជាមួយសន្តិភាពដ៏មានជំរៅ ! បើអ្នករើបំរះជាមួយវា ចំណងនឹងចងរឹតរួតអ្នកឲ្យកាន់តែតឹងខ្លាំងឡើង ។ បញ្ហាទាំងអស់សុទ្ធតែអាចដោះស្រាយបាននៅពេលដែលអ្នកឈប់គិត ឈប់ប្រកាន់មាំ លែងខ្វល់ ព្រមទទួលសព្វយ៉ាងបើអ្នកដើរចេញមិនបានទេនោះ ។