គិតពីការឈ្លោះប្រកែកជាមួយនរណាម្នាក់

ម៉្ងៃៗយើងច្រើនតែគិតពីការឈ្លោះប្រកែកជាមួយនរណាម្នាក់ ហើយមានពាក្យចុងក្រោយថាៈ យើងត្រូវតែមានជ័យជំនះ ! ប៉ុន្តែជារឿយៗពាក្យចុងក្រោយនេះគឺជាអ្វីដែលឆោតល្ងង់សោះ យើងខឹងសម្បារជាខ្លាំង នៅពេលដែលការពិភាក្សាមានអ្នកណាម្នាក់ជំទាស់ថាយើងខុស ។ ព្រះពុទ្ធ​ទ្រង់​មាន​ព្រះបន្ទូលបែប​នេះ​ម្តង​ហើយ​ម្តងទៀត ហើយ​យើង​នៅតែមើល​ឃើញ​ថា មនុស្សអាក្រក់មាននៅ​ជុំវិញ​ខ្លួន​យើង​ ចំណែកយើងគឺជាមនុស្សល្អតែម្នាក់គត់ ។ ក្នុងចិត្តយើងចេះតែទាមទារ ប្រសិនបើមនុស្សមិនធ្វើការជជែកវែកញែកដោយយុត្តិធម៌ទេ ប្រសិនបើពួកគេមិនមានសីលធម៌ក្នុងវិធីដែលពួកគេធ្វើមកលើយើងទេ ប្រសិនបើពួកគេមិនបង្ហាញខ្លួនថាពួកគេខុសទេ ប្រសិនបើពួកគេបង្ហាញខុសពីអ្វីដែលអ្នកបាននិយាយ នោះវាពិតជាមិនមានតម្លៃក្នុងការបន្តពិភាក្សាគ្នានោះទេ ទោះបីជាពួកគេអាចមាន ពាក្យចុងក្រោយ ហើយអ្នកគិតថាពួកគេបានយកឈ្នះអញ ! តាមពិត ទាំងយើងទាំងគេសុទ្ធតែបានចុះចាញ់ចិត្តអាក្រក់ខ្លួនឯងទាំងអស់គ្នា ។ ជាការពិតណាស់ ក្នុងក្រសែភ្នែកអ្នកដ៏ទៃ មើលទៅហាក់ដូចជាមានឈ្នះចាញ់ ប៉ុន្តែនៅពេលដែលអ្នកកំពុងប្រតិបត្តិតាមព្រះធម៌ អ្នកត្រូវតែបង្ហាត់ខ្លួនឯងកុំឱ្យខ្វល់ខ្វាយពីទិដ្ឋភាពខាងក្រៅរបស់អ្នកដទៃ មិនមែនយើងចុះចាញ់ឬយើងអន់ទេ តែអ្វីដែលត្រូវនិយាយគឺប្រកបដោយបញ្ញា ដែលមិនមានកំហឹងដឹកមុខទើបជាការល្អ ! នេះជាការបង្រៀនរបស់ព្រះពុទ្ធ ។

មនុស្សដែលគិតថាអ្នកចាញ់ ព្រោះតែអ្នកមិនឆ្លើយតបដោយកំហឹងចំពោះអ្នកដែលធ្វើបាបអ្នកយ៉ាងឃោឃៅ ឬអយុត្តិធម៌ ប្រសិនបើពួកគេឃើញថាអ្នកចាញ់ វាជាសញ្ញាមួយបង្ហាញថា ជីវិតពួកគេមិនស្គាល់ព្រះធម៌នោះទេ។ ដូច្នេះ​អ្នក​ត្រូវ​ចាំ​ថា យើង​មិន​មែន​មកកាន់លោក​នេះ ​ដើម្បី​មើល​ទៅ​ល្អ ឬ​ឈ្នះ​ក្នុង​ក្រសែ​ភ្នែក​អ្នក​ដទៃ​នោះ​ទេ។ យើងមកទីនេះដើម្បីយកឈ្នះលើភាពសៅហ្មងរបស់ចិត្តយើងទេ ។ នេះ​គឺ​ជា​ជ័យ​ជម្នះ​ដែល​គ្មាន​អ្នក​ណា​អាច​ដឹង​បាន ប៉ុន្តែ​ការ​ពិត​គឺ​ថា​អ្នក​ដឹងច្បាស់​ថាលោកនេះគឺ​អ្វី​ដែល​សំខាន់ ! គឺការអប់រំចិត្តនេះឯង។