ទោស៦យ៉ាងរបស់អ្នកលេងល្បែងភ្នាល់ៈ

ទោស៦យ៉ាងរបស់អ្នកលេងល្បែងភ្នាល់ៈ

១-ពេលចាញ់ច្រើនជំពាក់គេ ក៏ត្រូវសំរេចចិត្តសំលាប់ខ្លួន

២-ដេកសោកស្តាយទ្រព្យដែលវិនាសទៅ

៣-សេចក្តីវិនាសទ្រព្យ វិនាសកិត្តិយសនឹងបានឃើញទាន់ភ្នែក

៤-ត្រូវគេមាក់ងាយ ពាក្យសំដីគេលែងទុកចិត្ត

៥-ក្នុងគ្រួសារពួជត្រកូលត្រូវគេមើលងាយ

៦-ត្រូវសង្គមមើលងាយ មានរឿងមិនល្អកើតឡើង គេតែងសង្ស័យលើអ្នកល្បែងមុនគេ។គេមិនប្រគល់ការងារឲ្យកាន់កាប់ កិច្ចអាពាហ៍ពិពាហ៍ត្រូវគេបដិសេធមិនរាប់រក។

បាបមិត្តតែងធ្វើនូវអំពើ៦យ៉ាងៈ

១-សេពល្បែងស្រី

២-សេពល្បែងស្រា

៣-សេពល្បែងភ្នាល់

៤-ចូលចិត្តកុហកបោកប្រាស់គេ

៥-កេងប្រវ័ញ្ចមិត្តក្នុងទីចំពោះមុខ

៦-ចូលចិត្តលួចទ្រព្យអ្នកដទៃ ។

មនុស្សបែបនេះ នរូឯណាបានសេពគប់ជាមួយ ដោយហោចទៅសូម្បីបានត្រឹមនិយាយជាមួយ ក៏ត្រូវគេសង្ស័យមើលងាយដែរ។ព្រោះហេតុនេះទើបលោកយាយវិសាខា តែងបួងសួងតាំងពីព្រលឹមថា ថ្ងៃនេះវេលាដែលអាត្មាអញដើរចេញទៅ សូមកុំបីបានជួបពាល និងសូមកុំបីបានពោលពាក្យមួយម៉ាត់ជាមួយពាល សូមបានជួបតែបណ្ឌិតនិងសប្បុរស!។

ភាពខ្ជិលច្រអូសតែងរកលេស៧យ៉ាងៈ

១-នេះជាពេលក្តៅពេក

២-ត្រជាក់ពេក

៣-យប់ណាស់

៤-ព្រហាមពេក

៥-ឃ្លានណាស់ ស្រេកណាស់

៦+ហត់ណាស់

៧-ខ្ជិលព្រោះអាងមានទ្រព្យ

សេចក្តីខ្ជិលច្រអូសគឺជាហេតុនៃសេចក្តីវិនាស ជាបុព្វហេតុនៃសេចក្តីក្រីក្រនិងភាពល្ងង់ខ្លៅ ។

ផ្លូវអាក្រក់៦យ៉ាងៈ

១-ភាពខ្ជិលច្រអូស

២-ការធ្វេសប្រហែស ការមិនមានក្តីប្រុងប្រយ័ត្ន មិនមានសតិស្មារតី

៣-មិនមានការព្យាយាម

៤-មិនប្រុងប្រយ័ត្នក្នុងការគិតពិចារណា

៥-មិនត្រេកអរក្នុងការរៀនសូត្រ

៦-ចូលចិត្តអំពើអាក្រក់និងចូលចិត្តរាប់រកមនុស្សអាក្រក់។

មនុស្សដែលមិនចេះគិត តែងមិនចេះរក្សាខ្លួនឲ្យបានល្អ មើលព្រះអានន្ទចុះ បើលោកមិនចេះថែរក្សាខ្លួនលោកទុកដោយប្រពៃទេ ម៉្លេះមិនបានបរិនិព្វានរួចចាកទុក្ខទេ ព្រោះលោកគឺជាបុត្រព្រះរាជាដែលបរិបូរណ៍ដោយវត្ថុកាម បុណ្យបានធ្វើទុកហើយក្នុងកាលមុន រួមផ្សំនិងការចេះរក្សាខ្លួនទើបបានរួចចាកទុក្ខ។