ជំងឹលើសឈាម ជាជំងឺមួយដែល ភាគច្រើនកើតឡើងលើមនុស្សចាស់ ហើយមនុស្សវ័យក្មេងក៏អាចកើតមានជំងឺលើសឈាមនេះបានដែរ។ជំងឺលើសឈាម មិនទាន់អាចព្យាបាលឲ្យជាសះស្បើយ បាននៅឡើយទេ។ ប៉ុន្តែ ការព្យាបាលដោយថ្នាំ អាចធ្វើអោយសំពាធឈាម ធ្លាក់មកស្ថិតនៅក្នុងកំរិតធម្មតាវិញ ជៀសផុតពីហានិភ័យផ្សេងៗដែល បណ្តាលមកពីជំងឺលើសឈាម។
មូលហេតុដែលបណ្តាលឲ្យកើតមានជំងឺលើសឈាមនេះមាន៖
- សេពគ្រឿងស្រវឹងច្រើន
- ការញាំអាហារមានសារធាតុបំប៉នច្រើន ពិសេសគឺខ្លាញ់ អាហារប្រៃលើសចំនួន អាហារកំប៉ុង
- មិនសូវ ឬមិនបានហាត់ប្រាណ
- លើសទម្ងន់ ធាត់
- ប្រវត្តិក្រុមគ្រួសារមានជំងឺសរសៃឈាមបេះដូង ជំងឺទឹកនោមផ្អែម និង ជំងឺលើសឈាម
រោគសញ្ញា៖
- ឈឺក្បាល
- រោយកញ្ជឹងក
- វិលមុខ
- ស្រវាំងភ្នែក
ផ្តល់ផលវិបាក ដល់សុខភាព ៖
- ជំងឺគាំងបេះដូង
- ជំងឹខ្សោយបេះដូង
- ជំងឺក្រឡាភ្លើងចំពោះស្ត្រីមានផ្ទៃពោះ
- ជំងឺស្ទះសរសៃឈាមបេះដូង ឬជំងឺស្ទះដាច់សរសៃឈាមខួរក្បាល
- ជំងឺងងឹតភ្នែក
- ពិការ
វិធីបង្ការជំងឺលើសឈាម ៖
- ធ្វើលំហាត់ប្រាណយ៉ាងហោចណាស់អោយបាន៣០នាទីរៀងរាល់ថ្ងៃ
- រក្សាទម្ងន់អោយត្រឹមត្រូវតាមស្តង់ដារ
- តមការហូបប្រៃ
- បន្ថយការហូបជាតិខ្លាញ់ និងប្រេង
- កុំពិសាបារី និងគ្រឿងស្រវឹង
- បរិភោគបន្លែ ផ្លែឈើ បាយអង្ករសំរោប អាហារដែលសំបូរ ជាតិប៉ូតាស្យូម ជាពិសេសផ្លែចេកណាំវ៉ា ផ្កាខាត់ណា ផ្លែប៊័រ និងគ្រាប់ធុញជាតិជាដើម៕
285.889 SRY