កាលពីថ្ងៃអង្គារ ទី ៣០ វិច្ឆិកា តម្លៃភាគហ៊ុនអាមេរិកបានធ្លាក់ចុះយ៉ាងខ្លាំង ដោយសូចនាករទីផ្សារភាគហ៊ុន Dow Jones Industrial Average បានធ្លាក់ចុះជាង ៦៥០ ពិន្ទុ ខណៈពេលដែលវិនិយោគិន កំពុងថ្លឹងថ្លែងអំពីការអន់ថយនៃសេដ្ឋកិច្ចដែលអាចបង្កដោយការរីករាលដាលនៃវីរុសកូរ៉ូណាបំប្លែងថ្មី «អូមីក្រុង»។
នៅក្នុងសក្ខីកម្មនៅចំពោះមុខគណៈកម្មាធិការធនាគាររបស់ព្រឹទ្ធសភាអាមេរិក ប្រធានក្រុមប្រឹក្សាភិបាលធនាគារកណ្ដាលអាមេរិកលោក ជេរ៉ូម ប៉ូវែល បាននិយាយថា៖ «ការកើនឡើងតម្លៃបានរីករាលដាលកាន់តែទូលំទូលាយក្នុងរយៈពេលប៉ុន្មានខែថ្មីៗនេះនៅទូទាំងសេដ្ឋកិច្ច ហើយខ្ញុំគិតថា ហានិភ័យនៃអតិផរណាខ្ពស់បានកើនឡើង»។
303.936 SRY