ពួក Hacker

កុំព្យូទ័រ និងអ៊ីនធឺណែតបានផ្លាស់ប្តូរបរិយាកាសការងាររបស់ពិភពលោក ហួសពីការស្មាន ហើយទិន្នន័យទាំងអស់របស់យើងត្រូវបានផ្ទេរពីកំណត់ត្រា និងសៀវភៅកត់ត្រាទៅកុំព្យូទ័រ។ ទោះបីជាការផ្លាស់ប្តូរការងារប្រភេទនេះ បានកាត់បន្ថយបន្ទុករាងកាយក៏ដោយ តែវាក៏បានបង្កើនឱកាសនៃការលួចទិន្នន័យផងដែរ។

មនុស្សដែលពាក់ព័ន្ធនឹងការលួចទិន្នន័យ ឬធ្វើឲ្យប៉ះពាល់ដល់ប្រព័ន្ធ គឺជាមនុស្សដែលមានចំណេះដឹង​ មានចេតនាខុស ដែលគេស្គាល់ថាជាពួក Hacker ។

ខាងក្រោមជាប្រភេទផ្សេងគ្នានៃក្រុម Hacker និងប្រភេទនៃការវាយប្រហារ នៃបច្ចេកទេសរបស់ពួកគេ ៖

១ ក្រុម Hacker មួក​ស ៖​ ជាប្រភេទពួក Hacker ដែលមានជំនាញវិជ្ជាជីវៈ ខាង​ខាង​សន្តិសុខ​ តាម​អ៊ីនធឺណិត។ ពួកគេ​ត្រូវ​បាន​អនុញ្ញាត ឬ​បញ្ជាក់​ឲ្យ​លួច​ចូល​ប្រព័ន្ធ។  គោលបំណងការពារ និងជួយក្រុមហ៊ុនក្នុងការ​ប្រយុទ្ធប្រឆាំងនឹងការគំរាមកំហែង​តាម​អ៊ីនធឺណិត។

២ ក្រុម Hacker មួក​ខ្មៅ ៖​ជាអ្នកជំនាញកុំព្យូទ័រដែលមានចំណេះដឹងផងដែរ ប៉ុន្តែមានចេតនាខុស។ ពួកគេវាយប្រហារប្រព័ន្ធផ្សេងទៀត​​ ដើម្បីទទួលបានការចូលទៅកាន់ប្រព័ន្ធ​ដែលមិនមាន​ការ​អនុញ្ញាត។ គោលបំណង៖ ដើម្បីលួចចូលបណ្តាញរបស់ស្ថាប័ន និងលួចទិន្នន័យធនាគារ មូលនិធិ ឬ​ព័ត៌មាន​រសើប ដើម្បីបីរកប្រាក់ចំណេញ។

៣ ក្រុម Hackers មួក​ប្រផេះ ៖ ពួក Hacker មួកប្រផេះ ធ្លាក់នៅចន្លោះពួក Hacker មួកខ្មៅ និងពួក Hacker មួកស។ ប្រភេទនៃពួក Hacker ទាំងនេះ ធ្វើការដោយចេតនាល្អ ឬអាក្រក់។ គោលបំណង៖ពួកគេរីករាយនឹងការពិសោធន៏​ជាមួយប្រព័ន្ធ ដើម្បីស្វែងរកចន្លោះប្រហោង បំបែក​ការ​ការពារ និងជាទូទៅ​ស្វែងរក​បទពិសោធន៍​នៃ​ការ​លួច​ចូល​ដ៏រីករាយ។

៤ ក្រុម Script Kiddies ៖ ជាប្រភេទពួក Hacker ស្ម័គ្រចិត្ត​ក្នុង​វិស័យ​លួច​ចូល។ គោលបំណង៖​គឺ​គ្រាន់​តែ​ដើម្បី​ទទួល​បាន​ការ​ចាប់​អារម្មណ៍​ពី​មិត្តភ័ក្ដិ​របស់​ពួកគេ។

៥ ក្រុម Hacker មួក​បៃតង ៖ ​ប្រភេទ​ពួក Hacker ដែល​កំពុង​សិក្សា​ពី​ខ្សែ​ពួរ​នៃ​ការ​លួច​ចូល។ គោលបំណង៖ ​ព្យាយាម និង​រៀន​ដើម្បី​ក្លាយ​ជា​ពួក Hacker ពេញលេញ។

៧ ក្រុម Hacker មួកក្រហម ៖ ប្រភេទពួក Hacker ដែល​ស្រដៀង​នឹង​ពួក Hacker ស្បែក​ស។​ គោលបំណង៖ បញ្ឈប់ការវាយប្រហារ​របស់ពួក Hacker មួក​ខ្មៅ។ ភាពខុសគ្នារវាង Hacker មួកក្រហម និង Hacker មួក​ស គឺស្ថិតនៅក្នុង​ដំណើរការនៃការ​លួចចូល​តាមរយៈចេតនានៅតែដដែល។

៨ ក្រុម Hacker ឧបត្ថម្ភ​ដោយ​រដ្ឋ/ជាតិ ៖ រដ្ឋាភិបាល​តែងតាំងពួក Hacker ដើម្បីទទួលបានព័ត៌មាន​អំពីប្រទេសផ្សេងៗ។ ប្រភេទនៃពួក Hacker ទាំងនេះ​ត្រូវបានគេស្គាល់ថាជាពួក Hacker ដែល​ឧបត្ថម្ភ​ដោយ​រដ្ឋ/ជាតិ។ ពួកគេប្រើប្រាស់​ចំណេះដឹង ដើម្បីទទួលបានព័ត៌មានសម្ងាត់ពីប្រទេសផ្សេងៗ នេះងាយ​រៀបចំ​ឲ្យ​បានល្អ​ សម្រាប់​គ្រោះថ្នាក់​ដែល​នឹងកើតឡើង ចំពោះប្រទេសរបស់ពួកគេ។

៩ Hacktivist ៖ មាន​បំណង​ចូល​ប្រើ​គេហទំព័រ និង​បណ្តាញ​របស់​រដ្ឋាភិបាល។ ទិន្នន័យ​ដែល​ទទួល​បាន​ពី​ឯកសារ​រដ្ឋាភិបាល​ បានចូលប្រើគឺសម្រាប់ផលប្រយោជន៍នយោបាយ ឬ​សង្គម​ផ្ទាល់​ខ្លួន។

១០ Malicious insider ឬ Whistleblower ៖ Hacker ទាំង​នេះ ​រួមមាន​បុគ្គល​ដែល​ធ្វើការ​​នៅ​ក្នុង​អង្គការ​ ដែល​អាច​បង្ហាញ​ព័ត៌មាន​សម្ងាត់។ ចេតនា​ដែល​នៅ​ពី​ក្រោយ​ការ​បង្ហាញ​នេះ ​អាច​ជា​ការ​អាក់​អន់​ចិត្ត​ផ្ទាល់ខ្លួន​ជាមួយ​អង្គការ ឬ​បុគ្គល​នោះ ​អាច​នឹង​ជួប​សកម្មភាព​ខុស​ច្បាប់​ក្នុង​ស្ថាប័ន។ បុគ្គល​ទាំង​នេះ​ត្រូវ​បាន​គេ​ស្គាល់​ថា ​ជា​អ្នក​ផ្ដល់​ព័ត៌មានខ្លាំងក្លា៕