ហេតុផល៣យ៉ាងដែលគួរជ្រើសរើសជីវិតដែលមានគុណធម៌:
១/ បុគ្គលមានគុណធម៌មិនអាចវឹកវរ ប៉ុន្តែបុគ្គលសាមញ្ញអាចវឹកវរ។
២/ នៅពេលមានការកើតឡើងសំណាងអាក្រក់ដូចគ្នា បុគ្គលមានគុណធម៌ មិនសូវកើត ទុក្ខច្រើនដូចបុគ្គលសាមញ្ញនោះទេ ព្រោះបុគ្គលមានគុណធម៌មាននូវសេចក្តីល្អជាច្រើន សម្រាប់ជួយទ្រទ្រង់បន្តទៅមុខទៀត ប៉ុន្តែបុគ្គលសាមញ្ញគឺពុំមានរបស់ទាំងអស់នេះទេ។
៣/ បុគ្គលមានគុណធម៌អាចសម្រេចបាននូវជីវិតដ៏មានសុភមង្គល ប៉ុន្តែបុគ្គលសាមញ្ញមិនអាចសម្រេចបាននោះទេ។
គាំទ្រអំពើល្អ ហើយហ៊ានប្រឆាំងជាមួយនឹងអំពើអាក្រក់
បុគ្គលមានគុណធម៌តែងតែដឹងថាអំពើល្អជាអ្វីមានអារម្មណ៍ល្អចំពោះអំពើល្អ ស្រឡាញ់អំពើល្អ ការពារអំពើល្អ និងប្រតិបត្តិនូវទង្វើល្អជាប្រចាំ។ បុគ្គលមានគុណធម៌តែងតែយកនូវគុណធម៌ជាគោលដៅ ចុងក្រោយនៃជីវិត និងឲ្យតម្លៃគុណធម៌ជាស្នូលនៃសុភមង្គល។ លើសពីនេះទៅទៀត បុគ្គលប្រកបដោយគុណធម៌មិនយកនូវគុណធម៌ជាស្ពាន មិនលះបង់នូវគុណធម៌របស់ខ្លួន ដើម្បីបាននូវទ្រព្យសម្បត្តិ កិត្តិយស កេរ្តិ៍ឈ្មោះ និងអំណាចជាដើម។ ផ្ទុយមកវិញ បុគ្គលមានគុណធម៌នឹងលះបង់នូវទ្រព្យសម្បត្តិក្រៅខ្លួន ដើម្បីរក្សានូវទ្រព្យសម្បត្តិក្នុងខ្លួន ។រស់នៅជាមួយនឹងគុណធម៌អស់មួយជីវិតហើយមធ្យោបាយដើម្បីឆ្ពោះទៅកាន់សុភមង្គលក្នងជីវិត គឺជាការរស់នៅដោយមានគុណធម៌ពេញមួយជីវិត។ បុគ្គលរស់នៅដោយមានគុណធម៌ គឺជាមនុស្សដែលរស់នៅដោយប្រើប្រាស់ហេតុផលត្រឹមត្រូវ។ បុគ្គលប្រកបដោយគុណធម៌នឹងឲ្យតម្លៃគុណធម៌ រក្សាគុណធម៌ ទោះបីជាត្រូវលះបង់តម្លៃណាក៏ដោយ ប៉ុន្តែមិនមែនមានន័យថា បុគ្គលប្រកបដោយគុណធម៌ជាមនុស្សល្អឥតខ្ចោះ ហើយមិនដែលធ្វើខុសនោះទេ។ ជាក់ស្តែង សូក្រាតពោលថា បុគ្គលប្រកបដោយគុណធម៌ប្រៀបបានទៅនឹងជាងឈើ ទោះបីជាមានជំនាញយ៉ាងណាក៏រមែងធ្វើខុស ប៉ុន្តែអ្វីដែលសំខាន់គឺការមិនលះបង់នូវអាជីពជាជាងឈើ។
0.000 SRY