សង្ខារ៣

សង្ខារ៣នេះប្រព្រឹត្តិទៅនៅពេលចូលនិរោធ គឺរលត់ទៅតាមលំដាប់ ហើយកើតវិញក៏តាមលំដាប់ ។ ពេលចូល គឺរលត់វចីសង្ខារ បានដល់ការរលត់ វិតក្កៈ វិចារៈ បន្ទាប់មករលត់កាយសង្ខារ បានដល់ការរលត់ខ្យល់ដង្ហើម រួចហើយបានរលត់ ចិត្តសង្ខារ បានដល់ការរលត់វេទនានិងសញ្ញា ។ ពេលចេញពីនិរោធវិញ គឺកើតចិត្តសង្ខារ កាយសង្ខារ វចីសង្ខារ កើតឡើងតាមលំដាប់ ។ ពេលអរិយមគ្គកើតឡើង មគ្គចូលទៅកាត់កិលេសដាច់ជាសមុច្ឆេទលែងកើតទៀត កិលេសលះហើយលែងកើតទៀត កិលេសនៅសល់បន្តលះតទៅទៀត ដោយកម្លាំងមគ្គ ។ ឧទាហរណ៍ៈ ពេលមិនទាន់យល់ធម៌ ធ្វើបុណ្យ ធ្វើសមាធិ ប្រាថ្នាកើតជានាគ ជាទេវតា កើតជាព្រហ្ម នេះជាភវរាគៈ ពេលបានយល់ធម៌ នេះជាមគ្គទើបប្រាថ្នានិព្វាន លែងប្រាថ្នាភពតទៅទៀតហើយ ភវរាគៈត្រូវលះដាច់ពីក្នុងចិត្ត ទោះបីនៅតែកើតទៀតក៏ដោយ ។

សំរេចដល់ឈានទីប៉ុន្មានបានចូលនិរោធបាន លោកគ្រូ ? ។

ឈានទី៨ឬសមាបត្តិ៨ ហើយចាប់ពីអានាគាមីទៅ អរហន្តទើបចូលបាន!