តើប្រទេសថៃនឹងត្រូវបង្ខំចិត្តបិទខ្ទប់មួយផ្សេងទៀតឬយ៉ាងណា?

នាយករដ្ឋមន្ត្រីប្រាយុទ្ធ ចាន់អូចា នឹងធ្វើការសម្រេចចិត្តថាតើប្រទេសថៃនឹងត្រូវបង្ខំចិត្តបិទខ្ទប់មួយផ្សេងទៀតឬយ៉ាងណា ប្រសិនបើមេរោគបំប្លែងខ្លួនថ្មីអូមីក្រុងត្រូវបានរកឃើញនៅក្នុងប្រទេស។ទោះបីជាយ៉ាងណាក៏ដោយ មេរោគបំប្លែងថ្មីនេះមិនទាន់ត្រូវបានរកឃើញនៅក្នុងប្រទេសថៃនៅឡើយទេ នេះបើយោងតាមអាជ្ញាធរសុខាភិបាល។ថ្លែងបន្ទាប់ពីកិច្ចប្រជុំគណៈរដ្ឋមន្ត្រីកាលពីថ្ងៃអង្គារទី៣០វិច្ឆិកា ឧបនាយករដ្ឋមន្ត្រីនិងជារដ្ឋមន្ត្រីថាមពល លោក ស៊ូផាតថាណាពង់ ពុនមីឆាវ បាននិយាយថា ខុទ្ទកាល័យបានណែនាំទីភ្នាក់ងារពាក់ព័ន្ធឱ្យតាមដានស្ថានការណ៍យ៉ាងដិតដល់ ខណៈក្រសួងសុខាភិបាលសាធារណៈនឹងវាយតម្លៃអំពីការបើកប្រទេសឡើងវិញក្នុងរយៈពេលពីរសប្តាហ៍ទៀត។អនុរដ្ឋមន្ត្រីក្រសួងសុខាភិបាលសាធារណៈ លោក សាធីត ភីទូដេឆា បានជំរុញឱ្យសាធារណជនកុំភ័យស្លន់ស្លោ ដោយនិយាយថា នាយករដ្ឋមន្រ្តីបានបញ្ជាឱ្យបណ្តាទីភ្នាក់ងារសន្តិសុខបង្កើនការឃ្លាំមើលព្រំដែនដើម្បីការពារការឆ្លងព្រំដែនខុសច្បាប់ដើម្បីជួយទប់ស្កាត់មេរោគ។លោកសាធីតបាន​សង្កត់​ធ្ងន់​ថា មន្ត្រី​ដែល​គេ​រក​ឃើញ​ថា​ធ្វេសប្រហែស​ក្នុង​ការ​បំពេញ​កាតព្វកិច្ច​របស់​ខ្លួន​នឹង​ត្រូវ​ប្រឈម​នឹង​ការ​ផ្ដន្ទាទោស​យ៉ាង​ធ្ងន់ធ្ងរ។លោកបានប្រាប់កាសែតបាងកកប៉ុស្តិ៍ថា គណៈរដ្ឋមន្ត្រីមិនបានពិភាក្សាអំពីការបិទខ្ទប់ទេ ប៉ុន្តែបានពិចារណាលើវិធានការតឹងរ៉ឹងជាងមុន ដើម្បីស្វែងរកមេរោគបំប្លែងថ្មី។លោកសាធីតបានបន្ថែមថា រដ្ឋាភិបាលមានការព្រួយបារម្ភចំពោះជនចំណាកស្រុកខុសច្បាប់ដែលលួចចូលប្រទេសតាមច្រកព្រំដែន។លោកបាននិយាយថា "ស្ថានភាពនឹងត្រូវបានត្រួតពិនិត្យយ៉ាងដិតដល់។ វិធានការនឹងត្រូវបានពិនិត្យឡើងវិញដោយផ្អែកលើព័ត៌មានថ្មីដែលចូលមក។ ប្រសិនបើមេរោគអូមីក្រុងត្រូវបានរកឃើញនៅក្នុងប្រទេសថៃ ប្រទេសនេះនឹងត្រូវប្រឈមមុខនឹងការបិទខ្ទប់មួយផ្សេងទៀត ។ វាគឺជាគោលនយោបាយរបស់នាយករដ្ឋមន្ត្រី ហើយគាត់នឹងធ្វើការសម្រេចចិត្តរហ័សក្នុងនាមជានាយកមជ្ឈមណ្ឌលគ្រប់គ្រងស្ថានការណ៍កូវីដ១៩ [CCSA]"។លោកសាធីតក៏បាននិយាយផងដែរថាកន្លែងកម្សាន្តពេលរាត្រីអាចនឹងត្រូវបានអនុញ្ញាតឱ្យបើកឡើងវិញនៅថ្ងៃទី ១៦ ខែមករា ប្រសិនបើមេរោគអូមីក្រុងមិនត្រូវបានរកឃើញ ទោះបីជាលោកបានសង្កត់ធ្ងន់លើតម្រូវការក្នុងការបន្តអនុវត្តតាមការណែនាំរបស់ DMHTT ដោយសំដៅទៅលើការរក្សាគម្លាតសង្គម ការពាក់ម៉ាស់ ការលាងដៃ ការត្រួតពិនិត្យសីតុណ្ហភាព និងប្រើប្រាស់កម្មវិធី Thai Chana