គិតឲ្យរួចខ្លួន

គិតឲ្យរួចខ្លួន កុំគិតឲ្យទាល់ច្រក !

១- ឲ្យតែមានការព្យាយាម គង់នឹបានសំរេច ការព្យាយាមមិនដែលក្ររហូតទេ។

២- ក្នុងលោកនេះនៅមានគេលំបាកជាងយើងច្រើនណាស់ អញលំបាកយ៉ាងណាក៏នៅតែគ្រាន់ជាងសត្វដែលត្រូវគេធ្វើបាបតាមតែចិត្តរាល់ថ្ងៃដែរ។

៣- មានមិនដែលបីតំណ ក្រមិនដែលបីជំនាន់

៤- ការលំបាកគឺជាមេរៀនជីវិតដែលមនុស្សគ្រប់គ្នាត្រូវឆ្លងកាត់

៥- យកការលំបាកជាមេរៀនអប់រំចិត្ត បណ្តុះគំនិតបញ្ញាដើម្បីអភិវឌ្ឍខ្លួន

៦- មានមនុស្សល្បីៗជាច្រើនសុទ្ធតែធ្លាប់ជាប់គុក និងធ្លាប់ធ្លាក់ខ្លួនដើរសុំទានគេ។

៧- ការជាប់គុកគឺជាពេលវេលាដែលបានសំរាក ដើម្បីគិតនិងសរសេរ គុកមិនអាចដាក់ចិត្តមនុស្សបានទេ ជាប់គុកគឺជាសំណាងល្អជាងអ្នកឈឺដេកមួយកន្លែងឬអ្នកស្លាប់។

៨- ពេលទទួលការបាត់បង់ ឬ ទទួលការបំពានដែលមិនអាចតបតបានគួរគិតថា បើមានពៀរវេរាសូមឲ្យរួចគ្នាតែត្រឹមហ្នឹងចុះ។

៩- នេះពិតជាកំហុស ឬ ផលកម្មរបស់យើងមែន សមមុខនឹងទទួលហើយ។

១០ - មេរៀនមួយនេះដាច់ខាតត្រូវតែចងចាំ ដើម្បីកុំឲ្យមានកំហុសនៅថ្ងៃមុខទៀត។

១១- សេរីភាពចុងក្រោយរបស់មនុស្សគឺជាការគិត អញមិនត្រូវគិតឲ្យឈឺចាប់ខ្លួនឯងអត់ប្រយោជន័ឡើយ ។

ទាំងនេះគឺជាទិន្នន័យវិជ្ជមានខ្លះៗ ទុកសំរាប់ការពារកុំឲ្យមានការគិតខុស នៅពេលដែលជីវិតបានជួបវិបត្តិ ! ។