ស្នូលសំខាន់ៗដែលចាំបាច់ត្រូវមានក្នុងខ្លួន

១- គតិបណ្ឌិតគឺជាចំណេះដឹងបែបវិទ្យាសាស្រ្តអំពីអ្វីមួយដែលគួរធ្វើ ឬអ្វីមួយមិនគួរធ្វើ ឬមិនគួរធ្វើទាំងពីរតែម្តង។ ន័យមួយទៀតរបស់គតិបណ្ឌិត គឺជាចំណេះដឹងបែបវិទ្យាសាស្រ្ត អំពីអ្វីដែលល្អ និងអ្វីដែលអាក្រក់។ គតិបណ្ឌិត គឺជាគុណធម៌សម្រាប់ប្រើប្រាស់ក្នុងដំណើរការនៃការគិត ការគណនាអ្វីមួយបានត្រឹមត្រូវ ការឆ្លើយតបបានលឿន ការវិនិច្ឆ័យត្រឹមត្រូវ អាចសម្រេចចិត្តដោយខ្លួនឯង។ សត្រូវរបស់គតិបណ្ឌិតគឺ ការខ្ជិលត្រិះរិះពិចារណា។

២-ភាពក្លាហាន គឺជាចំណេះដឹងបែបវិទ្យាសាស្រ្តអំពីអ្វីដែលគួរខ្លាច ឬអ្វីដែលមិនគួរខ្លាច។ ភាពក្លាហាន គឺជាគុណធម៌សម្រាប់ប្រើប្រាស់នៅក្នុងការឆ្លើយតប ជាមួយនឹងអារម្មណ៍ដែលជាឧបសគ្គដែលកើតមានប្រចាំថ្ងៃនៅក្នុងជីវិត។ ភាព ក្លាហាន គឺជាការក្រាញននៀល ជាការជឿជាក់ ជាការតាំងចិត្តខ្ពស់ ជាភាពរីករាយ ជាការព្យាយាម។ ភាពក្លាហានមានតួនាទីប្រឈមមុខជាមួយនឹងការគំរាមកំហែង តាមផ្លូវចិត្ត និងតាមផ្លូវកាយ ប៉ុន្តែវាក៏ទាមទារការចូលរួមពីការដឹងប្រមាណ។