ការអប់រំចិត្តក្នុងសតិប្បដ្ឋាន៤

ការអប់រំចិត្តក្នុងសតិប្បដ្ឋាន៤គឺៈ ហ្វឹកហាត់រហូតចិត្តជួបអារម្មណ៍អីក៏បាន ចិត្តមិនទាមទារថា ខ្ញុំត្រូវការតែអារម្មណ៍យ៉ាងនេះ មិនត្រូវការអារម្មណ៍យ៉ាងនេះ ព្រោះលោកនេះមិនអាចតម្រូវតាមចិត្តយើងគ្រប់យ៉ាងបានឡើយ ។ សតិប្បដ្ឋាន៤កសាងមនុស្សឲ្យចេះតាមមើលថែចិត្តខ្លួនឯង មិនមែនតាមបង្ខំឲ្យអ្នកដទៃធ្វើតាមចិត្តខ្លួននោះទេ បើនៅតែធ្វើយ៉ាងនេះ ការរស់នៅរបស់គេគ្មានក្តីសុខឡើយ​ ! បើទោះជាធម្មជាតិពីកំណើតរបស់គេ សុខនឹងការទើសចិត្តក៏ដោយ ក៏គង់មានថ្ងៃគាំងបេះដូងស្លាប់ព្រោះតែការទើសចិត្តដែរ ។