ផ្កាយនេះត្រូវបានរកឃើញជាលើកដំបូងក្នុងខែមេសា ឆ្នាំ ២០២០ ដោយមណ្ឌល Zwicky Transient Facility នៅ Palomar Observatory ក្នុងទីក្រុង San Diego រដ្ឋ California។Ryan Foley ជំនួយការសាស្ត្រាចារ្យផ្នែកតារាសាស្ត្រនិងរូបវិទ្យានៅ UC Santa Cruz បាននិយាយថា "យើងធ្លាប់និយាយអំពីការងារ Supernova ដូចជាយើងជាអ្នកស៊ើបអង្កេតកន្លែងកើតហេតុឧក្រិដ្ឋកម្ម ដែលយើងនឹងបង្ហាញការពិត ហើយព្យាយាមរកឱ្យឃើញនូវអ្វីដែលបានកើតឡើងចំពោះតារានោះ" ។

"នេះ​គឺ​ជា​ស្ថានភាព​ផ្សេង​ពី​ព្រោះ​យើង​ពិត​ជា​ដឹង​ថា​មាន​អ្វី​កើត​ឡើង​ ហើយ​យើង​ពិត​ជា​បាន​ឃើញ​ការ​ស្លាប់របស់ផ្កាយដោយផ្ទាល់ភ្នែក"។ផ្កាយនេះបានស្លាប់រាប់លានឆ្នាំមុន ប៉ុន្តែពន្លឺវាទើបមកដល់នៅពេលនេះប៉ុណ្ណោះ ព្រោះវាជ្រៅក្នុងលំហ។ផ្កាយរណប Transiting Exoplanet Survey Satellite (TESS) របស់ NASA ដែលប្រើដើម្បីសិក្សា និងរកឃើញភពខាងក្រៅក៏កំពុងសង្កេតមើល Supernova នេះផងដែរ ដែលអនុញ្ញាតឱ្យអ្នកតារាវិទូទទួលបានទិដ្ឋភាពជាច្រើននៃការផ្ទុះរបស់ផ្កាយ៕