ជីវិតមួយនេះ បើគ្មានសមាធិ ក៏គ្មានចំណេះដឹងផ្នែកខាងក្នុងដោយខ្លួនឯងដែរ ហើយបើចេះក៏បានត្រឹមតែថាតាមគេ ឬទន្ទេញចាំមាត់ដូចសត្វសេក បើគ្មានការចេះដឹងដោយខ្លួនឯងពិតប្រាកដទេ ក៏គ្មានសមាធិច្បាស់លាស់ត្រង់ផ្លូវដែរ អាចជាសមាធិវង្វេងក្នុងព្រៃតណ្ហានិងទិដ្ឋិដែលជាសមាធិគ្រោះថ្នាក់ផងក៏ថាបាន ។
ដូច្នេះហើយ អ្នកត្រូវចាប់ផ្តើមធ្វើសមាធិ ដើម្បីដឹងច្បាស់ថា អ្នកជាអ្នកណា អ្នកត្រូវការអ្វីពីជីវិត ? ។ អ្នកមិនអាចទៅឆ្ងាយបាន ដោយមិនចាប់ផ្ដើមពីទីជិត អ្នកមិនអាចរស់នៅដោយមិនយល់ពីដំណើរការនៃការគិត មិនយល់ពីអារម្មណ៍ និងសកម្មភាពប្រចាំថ្ងៃរបស់អ្នកនោះទេ ! អ្វីទាំងនេះមាននៅក្នុងសមាធិនេះឯង ។
ស្គាល់ទិសដៅមិនច្បាស់នាំឲ្យយឺតឬវង្វេងគោលដៅ ស្គាល់ទិសដៅច្បាស់ទើបរហ័សដល់គោលដៅ !
396.087 SRY0