ឆាកជីវិតគឺជាការសើចនិងយំ

បើគ្មានធម៌នៅក្នុងចិត្តទេយើងនឹងក្លាយជាកញ្ជះលោកនេះសព្វបែបយ៉ាង ! ឲ្យតែនៅមានកិលេស លោកនេះគឺគ្មានទេភាពជាម្ចាស់ សុទ្ធតែជាកញ្ជះគ្នាទៅវិញទៅមកគួរឲ្យចង់សើចណាស់! (ឆាកជីវិតគឺជាការសើចនិងយំ)។
យើងតែងគិតថាយើងគឺជាម្ចាស់ឡាន ម្ចាស់ឆ្កែឆ្មា ម្ចាស់ប្តីប្រពន្ធនិងកូន ប៉ុន្តែតាមការពិតយើងគឺជាកញ្ជះឡាន កញ្ជះឆ្កែឆ្មា កញ្ជះប្តីប្រពន្ធនិងកូនសោះ។ធ្ងន់ធ្ងរជាងគេគឺកញ្ជះអំណាច កញ្ជះលុយកាក់ កញ្ជះបុណ្យសក្តិកិត្តិយស កេរ្តិ៍ឈ្មោះនិងមុខមាត់ គឺជាកញ្ជះដាច់ថ្លៃទាំងយប់ទាំងថ្ងៃ។បើមានធម៌ក្នុងចិត្តយើងចេះរំដោះខ្លួនពីទាសភាពនេះបានខ្លះ ហើយនឹងបន្តរំដោះឲ្យបានដល់ទីបំផុតបាន !។