មានតែខ្លួនឯងទេទើបដឹងពីខ្លួនឯងច្បាស់

មានតែខ្លួនឯងទេទើបដឹងច្បាស់ពីទុក្ខលំបាកខ្លួនឯងកំពុងជួប ពេលនៅតូចកុហក់ម៉ែថាកូនឈឺដើម្បីគេចវេសមិនចង់រៀន តែមកដល់ពេលនេះទើបដឹងថា ការកុហក់ម៉ែថា «កូនមិនអី» ទើបជាសាច់រឿងដែលកូនត្រូវនិយាយ ។

សាច់រឿងខ្លះដើរដល់អាយុ25ឆ្នាំក៏មិនអាចនិយាយចេញបាន កាន់តែមិនអាចបង្ហាញអារម្មណ៍សោកសៅ កាន់តែមិនហ៊ានបង្ហាញថាខ្លួនឯងទន់ជ្រាយ ព្រោះថាអំរែកដាក់លើស្មាហើយ ត្រូវតែបន្តប្រឹងទោះក្នុងលក្ខខណ្ឌណាក៏ដោយ។

មកដល់ពេលនេះគឺនឿយហត់ក៏ត្រូវតែ ញញឹម លំបាកក៏ត្រូវតែ ទ្រាំ ឈឺចាប់ក៏ត្រូវតែ បង្កើតភាពរីករាយ ឯការយ៉ាងណាក៏ត្រូវតែ អត់ធ្មត់។