ខ្ញុំធ្លាប់ដួលហើយវាក៏ឈឺខ្លាំង

ខ្ញុំធ្លាប់ដួល ហើយវាឈឺខ្លាំងរហូតស្ទើរស្រក់ទឹកភ្នែក។
តែខ្ញុំបែរជាមិនអាចយំបាន។
ព្រោះខ្ញុំដឹងថា បើខ្ញុំយំថ្ងៃនេះ ខ្ញុំនឹងយំរហូត។ អ្វីដែលអាចធ្វើបានគឺ ធ្វើខ្លួនធម្មតាហើយបន្ដរស់នៅតទៅទៀត។
មានពេលខ្លះ ខ្ញុំចង់ទម្លាក់ខ្លួនចុះ ហើយយំឱ្យអស់ចិត្ត ដោយមិនខ្វល់ថា ទីនេះជាកន្លែងណា? តែបើខ្ញុំព្រមទម្លាក់ខ្លួនចុះ ច្បាស់ណាស់ថា ខ្ញុំមិនអាចស្រោចស្រង់ខ្លួនឯង មកវិញបានឡើយ។ ហើយអ្វីដែលអាចធ្វើបានគឺ ទទួល និង ដោះស្រាយម្ដងមួយដំណាក់កាល។
ហើយពេលនោះ បើសិនជាខ្ញុំមានវិប្បដិសារី តែបន្ដិចចំពោះរឿងកន្លងមក ក៏ប្រហែលជាគ្មានខ្ញុំនៅថ្ងៃនេះ ដូចគ្នា។
រាល់លើក ដែលខ្ញុំមិនអាចគ្រប់គ្រងខ្លួនឯងបាន ខ្ញុំក៏មិនដែលបន្ទោសខ្លួនឯងដែរ ព្រោះខ្ញុំមិនអាចរស់នៅក្នុងវិប្បដិសារីដាច់ខាត។
អរគុណខ្លួនឯង ដែលរើសឈរខាងខ្លួនឯងរហូតមក។ 
_______________________________