#ចង់ស្រឡាញ់

ចំពោះការចង់ស្រលាញ់មនុស្សម្នាក់វិញ យើងប្រហែលជាអាចធ្វើបានល្អ ដូចជាការទន្ទេញមេរៀនចាំអ៊ីចឹង ប៉ុន្តែបេះដូងនិងព្រលឹងស្នេហា មិនបានចូលរួមរំភើបជាមួយគ្នាទាល់តែសោះ។ ស្នេហាបែបនេះគឺសោះកក្រោះ គ្មានថាមពលជួយរុញច្រាន ហើយអាចប្រឈមមុខនឹងការស្ដាយក្រោយ ឬអាចបណ្ដាលឱ្យភាគីម្ខាងទៀតឈឺចាប់។

ខ្ញុំគិតថា ទុកឱ្យស្នេហាកើតឡើងតាមដំណើររបស់វាទៅចុះ។ កុំចង់ស្រលាញ់អី ហើយជ្រើសរើសទំនាក់ទំនងត្រឹមមិត្តភាពសិនជាការល្អជាង។ អារម្មណ៍មនុស្សយើងអាចផ្លាស់ប្ដូរ ពោលបើសិនជាថ្ងៃណាមួយយើងស្រាប់តែដឹងថា យើងស្រលាញ់គេពិតប្រាកដ យើងក៏អាចសួរចិត្តគ្នាម្ដងទៀតបាន។ ស្នេហាត្រូវតែធ្វើឱ្យឆាកជីវិតរបស់យើងស្រស់ថ្លា តែបើវាធ្វើឱ្យឆាកជីវិតយើងតានតឹង កុំប្រឹងជាមួយវាធ្វើអី។