#ត្រឹមសម្លឹងមើលពីចម្ងាយ

មានរបស់ខ្លះ យើងស្រឡាញ់ចង់បាន ប៉ុន្តែតម្លៃវាខ្ពស់លើសពីសមត្ថភាពដែលយើងមាន។ របស់ខ្លះ យើងបានត្រឹមឈរសម្លឹងពីចម្ងាយ ហើយញញឹមម្នាក់ឯង បើទោះបីចង់ស្រវាកាន់ក៏មិនហ៊ាន ត្រឹមតែឈរសម្លឹងមើល រួចហើយក៏ដើរចេញទៅ។ ក្នុងចិត្តប្រាថ្នាចង់បាន ប៉ុន្តែសមត្ថភាពរបស់យើងមិនទាន់អាចយកវាបាននៅឡើយ។ មិនមែនរបស់ដែលយើងចង់បាន សុទ្ធតែត្រូវទទួលបាននោះទេ ប៉ុន្ដែយើងក៏មិនត្រូវអស់សង្ឃឹមដែរ ដ្បិតថាបើក្ដីស្រមៃនៅមាន បើទឹកចិត្តនៅតែពុះពារ ក្ដីប្រាថ្នានៅតែមានកម្លាំង យើងក៏នឹងអាចបានវានៅថ្ងៃណាមួយក៏ថាបាន។