#គ្មាននរណារឹងមាំរហូតទេ

នៅលើលោកនេះ គឺគ្មានភាពឥតខ្ចោះទេ តែវាមានត្រឹមតែភាពខុសផង និងត្រូវផងប៉ុណ្ណោះ។ អ្នកធ្វើសេចក្តីល្អ ក៏មានអ្នកស្អប់ដែរ ហើយតើអ្នកណាជាអ្នកស្អប់ អ្នកធ្វើសេចក្តីល្អ? មនុស្សអាក្រក់ខ្ពើមសេចក្តីល្អ។ អ្នកធ្វើសេចក្តីអាក្រក់ ក៏មានអ្នកស្អប់ដែរ ហើយតើអ្នកណាជាអ្នកស្អប់អ្នកធ្វើសេចក្តីអាក្រក់? មនុស្សល្អ រមែងមិនត្រេកអរនឹងសេចក្តីអាក្រក់ឡើយ។

ពេលខ្លះទៀត មនុស្សល្អដូចគ្នា ក៏មានចិត្តស្អប់មនុស្សល្អដែរ ហើយតើស្អប់ព្រោះអ្វី? ហេតុផលស្អប់ គឺព្រោះចិត្តច្រណែន។ សេចក្តីច្រណែននៅទីណា មនុស្សល្អៗត្រៀមខ្លួនបែកបាក់គ្នានៅទីនោះ។ ហេតុនៃអាក្រក់ល្អទាំងអស់ វាកើតព្រោះអវិជ្ជា។ មនុស្សល្អសន្ដោសមនុស្សអាក្រក់ដោយសេចក្តីស្រឡាញ់ ដ្បិតឱ្យតែសេចក្តីស្រឡាញ់ធ្វើដំណើរទៅដល់ទីណា គឺមនុស្សនឹងត្រូវរួចទោសដោយចិត្តអភ័យ។