ក្លឹប Leicester City សម្រេចនាំយកអតីតអ្នកចាំទីក្រុម Cardiff មួយរូប

អតីតអ្នកចាំទីក្រុម Cardiff គឺកីឡាករ Alex Smithies បានចូលរួមជាមួយក្រុម Leicester City ដោយគ្មានតម្លៃខ្លួន ហើយរូបគេគឺជាកីឡាករដំបូងដែលក្លឹបបាននាំយកចូលក្រុមនារដូវក្ដៅនេះផងដែរ។

(កីឡាករ Alex Smithies)

កីឡាករវ័យ ៣២ ឆ្នាំរូបនេះធ្លាប់បានលេងឲ្យក្រុម QPR និង Huddersfield​ ផងដែរដោយឥលូវរូបគេបានយល់ព្រមកិច្ចសន្យារយះពេល​២ឆ្នាំជាមួយក្រុម Leicester City។

កីឡាកររូបនេះបានចាកចេញពីក្រុម Cardiff បន្ទាប់ពីកិច្ចសន្យារបស់ខ្លួនអស់សុពលភាព។​ រូបគេនឹងអាចជួយក្រុមបានបន្ថែមទៀតបន្ទាប់ពីអ្នកចាំទី Kasper Schmeichel សម្រេចចាកចេញទៅចូលរួមជាមួយក្រុម Nice ថ្មីៗនេះ។