អ្នកលក់ឆ្នើម

ជាអ្នកលក់ម្នាក់ដែលជោគជ័យ មិនមែនជារឿងដែលយ៉ាប់ពេកទេ បើយើងដឹងពីរបៀបធ្វើ(របៀបលក់)។ធ្វើអ្វីក៏ដោយ បើយើងធ្វើទាំងងងឹតងងុលមិនដឹងពីរបៀបធ្វើ លទ្ធផលនឹងផ្អៀងទៅខាង #ចាញ់ ច្រើនជាង #ឈ្នះ។

អ្នកលក់ភាគច្រើនផ្តោតលើលុយក្នុងហោប៉ៅរបស់អតិថិជន ក្នុងនោះបើតាមជំនាញប៉ានប្រមាណថាមានប្រហែលជា៨០% ហើយមានតែ២០% ប៉ុណ្ណោះដែលផ្តោតលើការបម្រើនិងចូលទៅដោះស្រាយបញ្ហាឱ្យអតិថិជនដោយស្ម័ក្រចិត្ត។ ប្រការនេះហើយដែលថា មានអ្នកលក់ត្រឹមតែ២០%ប៉ុណ្ណោះដែលជោគជ័យលើការលក់ ហើយ៨០%ផ្សេងទៀតបានត្រឹមតែអង្គុយអស់សង្ឃឹមប៉ុណ្ណោះឯង។

ដូច្នេះអ្វីដែលអ្នកត្រូវធ្វើក្នុងនាមជាអ្នកលក់ចាប់ពីវិនាទីនេះតទៅគឺ ឈប់លក់ ហើយបែរមកជួយអតិថិជនដោះស្រាយបញ្ហាវិញ ដែលទង្វើនេះ និងធ្វើអោយមានការផ្លាស់ប្តូរយ៉ាងចម្លែកក្នុងអាជីពជាអ្នកលក់របស់អ្នក។