មូលដ្ឋានគ្រឹះរបស់សមាធិគឺអង្គុយចុះ

មូលដ្ឋានគ្រឹះរបស់សមាធិគឺអង្គុយចុះ ឈប់រត់ប្រដេញតាមគំនិត ឈប់តស៊ូជាមួយភាពជាប់ស្អិតទៅនឹងអ្វីដែលខ្លួនយកមិនបាន ធ្វើមិនកើត គោរពខ្លួនឯងត្រឹមតែសម្រាកក្នុងភាពស្ងប់ស្ងាត់ ធ្វើឲ្យប្រសើរឡើងនូវបញ្ញា ស្មារតី និងសុខភាពតែប៉ុណ្ណោះ ។ រំលឹកខ្លួនឯងជានិច្ចថាៈ ការសម្រាកគឺជាធាតុមួយដ៏សំខាន់របស់ជីវិត វាជាកិច្ចការប្រចាំថ្ងៃរបស់មនុស្ស បើគេសម្រាកមិនបានគ្រប់គ្រាន់ទេ គេមុខតែត្រូវប្រឈមជាមួយបញ្ហាសុខភាពធំៗជាមិនខាន ចំបាំងផ្លូវចិត្តដ៏មហិមានេះ គឺជាការបំផ្លាញដ៏ធ្ងន់ធ្ងរ បើសិនជាត្រូវបរាជ័យវិញគឺពិបាកនឹងស្តារឡើងវិញបានណាស់ ! ដូចជាជួបនឹងជំងឺមហារីក ទឹកនោមផ្អែម ជំងឺផ្លូវចិត្តធំៗ និង រលាកខួរក្បាលជាដើម ។