ក្រសួងសុខាភិបាលបានធ្វើការក្រើនរំឭកជាថ្មីម្តងទៀត ពីការការពារការចម្លងវីរុសកូវីដ១៩ ក្នុងអំឡុងពេលមានការឈប់សម្រាកសម្រាប់ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ខណៈដែលមានប្រជាពលរដ្ឋជាច្រើនកំពុងមានកម្មវិធីដើរកម្សាន្ត ជួបជុំ និងចូលរួមក្នុងពិធីបុណ្យនានាមួយចំនួន។ ក្រសួងក៏អំពាវនាវឱ្យមានការប្រុងប្រយ័ត្នការពារសុខភាពក្នុងអំឡុងពេលអាកាសធាតុចុះត្រជាក់ផងដែរ។
លោក ម៉ម ប៊ុនហេង រដ្ឋមន្រ្តីក្រសួង សុខាភិបាល បានលើកឡើងនៅថ្ងៃទី១៨ ខែវិច្ឆិកា ឆ្នាំ ២០២១ នេះថា ស្ថានភាពជំងឺកូវីដ១៩ នៅក្នុងប្រទេសកម្ពុជាពិតមែនតែមានការថមថយខ្លះមែន ប៉ុន្តែមិនទាន់បានបញ្ចប់នៅឡើយទេ។ ក្រសួងសុខាភិបាលសូមក្រើនរំឭក និងអំពាវនាវសាជាថ្មីដល់ប្រជាពលរដ្ឋទាំងអស់ ត្រូវតែបន្តអនុវត្តនូវវិធានការ ការពារឱ្យបានត្រឹមត្រូវ ពិសេសវិធានការ ៣ ការពារ និង ៣កុំ។
ទន្ទឹមនឹងនេះដែរ ដើម្បីការពារសុខភាពផ្ទាល់ខ្លួន និងក្រុមគ្រួសារឱ្យបានល្អ និងអាចចៀសផុត ពីជំងឺដង្កាត់ដែលអាចកើតមានជាយថាហេតុបណ្តាលមកពីអាកាសធាតុចុះត្រជាក់នេះ លោក ម៉ម ប៊ុនហេង ក៏បានធ្វើការណែនាំដល់ប្រជាពលរដ្ឋទូទាំងប្រទេស ជាពិសេសប្រជាជនដែលរស់នៅក្នុងតំបន់ដែលមានអាកាសធាតុចុះត្រជាក់ខ្លាំង ត្រូវការពារសុខភាពដែលអាចបង្កជាជំងឺក្នុងរដូវត្រជាក់នេះផងដែរ។
លម្អិត https://www.postkhmer.com/national/2021-11-18-1416-227056.html
664.683 SRY