មន្ទីរ​ពេទ្យ​គន្ធបុប្ផា​ទី ៣​ វះកាត់ជំងឺប្រឹសបេះដូងកុមារបានជិត ៥ពាន់នាក់

មន្ទីរ​ពេទ្យ​កុមារ​ជ័យ​វរ្ម័នទី​៧ ឬ​ហៅថា ​មន្ទីរ​ពេទ្យ​គន្ធបុប្ផា​ទី ៣​ ដែល​មាន​ទីតាំង​ស្ថិតនៅ​ខេត្ត​សៀមរាប បាន​វះកាត់​ជំងឺ​ប្រឹស​បេះ​ដូង​ឱ្យកុមារ​ ​បាន​ជិត៥​ពាន់​អ្នក​ ដោយ​ជោគ​ជ័យ​ក្នុង​រយៈ​ពេល​១០ឆ្នាំ។​

ក្នុង​ទំព័រ​ហ្វេ​ស​ប៊ុ​ករ​បស់ Dr. Beat Richner ដែលជា​ស្ថាបនិក​មន្ទីរពេទ្យ​គន្ធបុប្ផា បាន​បង្ហោះ​សារ អបអរ​ខួប ១០ ឆ្នាំ នៃ​ការបង្កើត​ផ្នែក​វះកាត់​បេះដូង​នៅ​មន្ទីរពេទ្យ​កុមារ​ជ័យ​វរ្ម័នទី​៧ (​មន្ទីរពេទ្យ​គន្ធបុប្ផា​) ថ្ងៃទី ២១ ខែវិច្ឆិកា ឆ្នាំ​២០១១-២១ ខែវិច្ឆិកា ឆ្នាំ ២០២១ ។​

នាឱកាស​នេះ មន្ទីរពេទ្យ​គន្ធបុប្ផា បានឱ្យដឹងថា ក្មេងស្រី​អាយុ​១៥​ឆ្នាំនេះ មាន​បញ្ហា​វិបត្តិ​សង្វាក់​បេះដូង ពោល​ខូច​ប្រឹស​បេះដូង​ថត​ខាងស្តាំ​ពី​កំណើត ត្រូវបានធ្វើ​ការវះកាត់​ដាក់​ថ្ម​បេះដូង ដោយ​ជោគជ័យ ដោយ​ក្រុមគ្រូពេទ្យ​ឯកទេស​កម្ពុជា​នៃ​មន្ទីរពេទ្យ​ជ័យវរ្ម័ន​ទី​៧ កាលពី​ថ្ងៃទី​១៦​ខែវិច្ឆិកា​ឆ្នាំ​២០២១ ។ មន្ទីរពេទ្យ​បាន​គូសបញ្ជាក់ថា​៖ « នេះ​គឺជា​ករណី​ទី ៤៦៦៩ នៃ​កុមារ ដែល​បានទទួល​ការវះកាត់​បេះដូង ក្នុង​រយៈពេល​១០​ឆ្នាំ​កន្លងមកនេះ​»​។​

 

 

លម្អិត https://www.postkhmer.com/national/2021-11-21-1658-227109.html