ប្រេស៊ីលចង់បាន Pep Guardiolaរបស់Manchester City មកដឹកនាំជម្រើសជាតិរបស់ខ្លួន

ប្រេស៊ីលចង់បាន Pep Guardiolaរបស់Manchester City មកដឹកនាំជម្រើសជាតិរបស់ខ្លួន

ប្រេស៊ីលចង់តែងតាំងលោក Pep Guardiola បន្ទាប់ពីការប្រកួត FIFA World Cup Qatar រួច ហើយមានទំនុកចិត្តយ៉ាងខ្លាំងថាអ្នកចាត់ការ Manchester City នឹងយល់ព្រមលើលក្ខខណ្ឌ។

ថ្មីៗនេះ គ្រូបង្វឹកប្រេស៊ីលលោក Tite ថ្មីៗនេះបានធ្វើឱ្យគ្រប់គ្នាភ្ញាក់ផ្អើលដោយបង្ហាញថាគាត់នឹងចាកចេញពីតួនាទីរបស់គាត់បន្ទាប់ពីការប្រកួតបាល់ទាត់ពិភពលោករដូវរងានេះ។

ខ្ញុំនឹងទៅរហូតដល់ចប់ការប្រកួត World Cup” Tite បាននិយាយប្រាប់ SporTV។ ខ្ញុំបានឈ្នះ គ្រប់យ៉ាងក្នុងអាជីពរបស់ខ្ញុំអ្វីដែល បាត់បង់គឺ World Cup»។

បច្ចុប្បន្នប្រេស៊ីលគឺជាក្រុមដែលឈរនៅចំណាត់ថា្នក់លេខមួយកំពូលតារាងរបស់FIFA។ហើយឥឡូវនេះពួកគេបានកំណត់អត្តសញ្ញាណលោក Guardiola ជាបេក្ខជនដ៏ល្អ។

សហព័ន្ធប្រេស៊ីលបានត្រៀមខ្លួនរួចរាល់ហើយក្នុងចាប់ផ្តើមនិយាយជាមួយលោក Pere Guardiola បងប្រុស និងជាអ្នកតំណាងរបស់ Pep ។

ពួកគេត្រៀមផ្តល់ជូនលោក Guardiola នូវកិច្ចសន្យារយៈពេល 4 ឆ្នាំរហូតដល់ World Cup ឆ្នាំ 2026 ជាមួយនឹងប្រាក់បៀវត្សរ៍ដែលបានស្នើឡើងចំនួន 12 លានអឺរ៉ូក្នុងមួយឆ្នាំ។  ខណៈពេលដែលនោះជាចំនួនដ៏ច្រើនសម្រាប់អ្នកចាត់ការជម្រើសជាតិ វាទាបជាងប្រាក់បៀវត្សរ៍ 20 លានអឺរ៉ូបច្ចុប្បន្នរបស់គាត់នៅ Man City ។