បើចង់ដឹងថាថ្ងៃស្អែកអ្នកក្លាយទៅជាអ្វីចូរក្រលេកមើលសកម្មភាពថ្ងៃនេះ

មានថ្ងៃមួយចៅបានសួរទៅជីតារបស់គេថា តើចៅនឹងក្លាយទៅជាអ្វីនៅថ្ងៃអនាគត់ ? ជីតាក៏បានតបមកចៅវិញទាំងញញឹមថាចៅនិងក្លាយទៅជាអ្វីដែលចៅចង់បាននិងសកម្មភាពដែលចៅបានធ្វើនៅក្នុងពេលនេះ ។ បើចៅប្រឹង

ប្រែងមិនអោយចាញ់ស្មៅទេនោះជីវិតក៏នឹងប្រសើរសមទៅនឹងអ្វីដែលខ្លួនឯងបានប្រព្រឹត្តនៅពេលនេះ ។ មនុស្សខ្ចិលក៏ចង់បានភាពជោគជ័យក្នុងជីវិតរបស់គេ ហើយមនុស្សឧស្សាហ៍រិតតែចង់អោយជីវិតរបស់ខ្លួនជោគជ័យ តែមនុស្សដែលឧស្សាហ៍ហើយមានគោលដៅច្បាស់លាស់ប្រាកដណាស់ពួកគេនឹងប្រឹងប្រែងរកគ្រប់មធ្យោបាយទាំងអស់ដើម្បីទៅដល់ទីតាំងមួយដែលគេបានដៅទុករួចមកហើយ ។

- ការបារម្មណ៍ពីអនាគត់ហួសហេតុជារឿងឥតបានការ

- ហើយការរវល់គំនិតជាមួយអតីតកាលខ្លាំងពេកធ្វើអោយ

   ខ្លួនមិនរីកចម្រើន 

- ដូច្នេះត្រូវក្រលេកមើលបច្ចុប្បន្នអោយច្រើនបំផុតតាមតែអាចធ្វើទៅបាន ។ 

កុំរពឹងចង់បានលទ្ធល្អទាំងមិនបានធ្វើអ្វីសោះ លទ្ធ

ផលដែលអស្ចារ្យត្រូវកើតចេញពីមនុស្សអស្ចារ្យមិនមែនកើតពីបុគ្គលដែលខ្វះភាពតស៊ូព្យាយាមនោះទេ ។ បើអ្នកគ្រាន់តែចង់ក្លាយទៅជាអ្នកមានរួចអ្នកក៏មានមែន  ម្លោះពេលនេះប្រហែលជាលែងមានអ្នកក្រីក្រទៀតហើយព្រោះមនុស្សភាគ

ច្រើន សុទ្ធតែចង់មានបានដោយភាពងាយស្រួល ខ្ញុំចាំបានថានៅពេលខ្ញុំចូលរួមកម្មវិធីរបស់ក្រុមមួយអំឡុងខែ មករា ឆ្នាំ ២០២២ ខ្ញុំបានសួរទៅសមាជិកដែលចូលរួមថាតើនរណាដែលចង់បានការងារស្រួលហើយបានប្រាក់ខែច្រើន មនុស្សស្ទើរតែទាំងអស់បានលើកដៃឡើង ខ្ញុំក៏បានប្រាប់ទៅពួកគាត់វិញថាបំភ្លេចការគិតបែបនេះចោលចុះព្រោះគ្មានឡើយដែលយើងធ្វើតែរឿងងាយស្រួលហើយទទួលបានលទ្ធល្អនោះ ។