#សុបិននៃជីវិត

“រឿងរបស់ជីវិត គឺជារឿងដែលវែងឆ្ងាយ។ បើយើងមិនចំណាយពេលវេលាគិតពិចារណាពីជីវិតនេះទេ យើងនឹងរស់នៅពុំបានសុខពេញមួយជីវិត”

បើទោះបីជាមានទ្រព្យ ក៏នៅតែមានទុក្ខ ក្រទ្រព្យក៏នៅតែមានទុក្ខ ឬមានមនុស្សល្អនៅក្បែរ ក៏នៅតែមានទុក្ខ គ្មានអ្នកណាម្នាក់នៅក្បែរ ក៏នៅតែមានទុក្ខ ឬមានងារជាបណ្ឌិតទៅហើយ ក៏ទុក្ខនេះនៅតែញាំញីបាន...។ល។   ទុក្ខនេះ គ្មានថ្នាំព្យាបាលឱ្យជាសះស្បើយបានឡើយ បើយើងនៅតែបណ្តោយខ្លួន មិនត្រួតពិនិត្យខ្លួនឯងឡើងវិញ។ 

មែនទែនទៅ ជីវិត វាគឺជាសុបិន។  បើសុបិនល្អ យើងអាចបន្តគេងទៀតបាន តែបើសុបិនមិនល្អទេ ក៏សូមយើងឆាប់ភ្ញាក់ដឹងសតិវិញភ្លាម។  ដូច្នេះ ជីវិតក៏មានន័យថា វាជាជម្រើសដូចគ្នាដែរ តែសំខាន់តើយើងឆ្លាតប៉ុនណា ក្នុងការជ្រើសរើសជីវិតដែលខ្លួនចង់រស់នៅ។