ពេលដែលសម្រេចចិត្តធ្វើអ្វីមួយ ដោយខ្វះការពិចារណា និងបាត់ភាពម្ចាស់ការលើខ្លួនឯង យើងនឹងបណ្តែតបណ្តោយទៅតាមការអូសទាញពីមជ្ឈដ្ឋានខាងក្រៅ ពិសេសនោះ គឺមនុស្សនៅជុំវិញខ្លួន។ ប្រសិនបើជឿជាក់ខ្លាំងពេក យើងនឹងធ្វើទាំងមិនដឹងខុស ហើយយល់ឃើញតែរឿងល្អៗទៅវិញ ទោះជាមានអ្នកណាថាអ្វីក៏មិនស្តាប់ដែរ។ កុំទាន់ឆាប់សម្រេចចិត្តលឿនពេក ត្រឹមតែឃើញអ្នកដទៃអាចធ្វើបាន ហើយទទួលលទ្ធផលល្អ ពីព្រោះគេមិនមែនយើងទេ។
ការបាត់បង់អារម្មណ៍ផ្តោត ឬធ្វើទាំងដែលខ្លួនមិនស្រឡាញ់ វាមិនត្រឹមតែខាតពេលវេលា ប៉ុន្តែលទ្ធផលដែលទទួលបាន គឺត្រឹមតែជារឿងធម្មតាៗ មិនមែនជាលទ្ធផលកើតចេញពីសមត្ថភាពឡើយ។ មានតែយើងធ្វើជាម្ចាស់លើវាសនាខ្លួនឯង គួបផ្សំនឹងការតាំងចិត្តខ្ពស់ផង ទើបមិនងាយបោះបង់គោលដៅចោល។ មនុស្សដែលរស់នៅគ្មានក្តីស្រមៃ ពួកគេនឹងប្រើប្រាស់ពេលវេលានៃជីវិតដ៏មានតម្លៃ ដើម្បីតែផ្គាប់ចិត្តអ្នកដទៃ ហើយធ្វើអ្វីដែលខ្លួនមិនប៉ងប្រាថា្ន។
266.690 SRY0