ទម្រង់នៃការដឹកនាំរបស់លោកម៉ុងតស្គីយើ

លោក ម៉ុងតស្គីយើ ធ្វើការបែងចែករបបនយោបាយទៅតាមប្រភេទ និង គោលការណ៍របស់នយោបាយនីមួយៗ ដូចជា ៖ ធម្មជាតិនៃការដឹកនាំ គឺជាមូលហេតុនាំឲ្យមានការដឹកនាំ អ្វីដែលនាំឲ្យ មានការដឹកនាំនោះ។ គោលការណ៍នៃការដឹកនាំ គឺសំដៅលើធ្វើដែលធ្វើឲ្យការដឹកនាំនោះមាន ដំណើរការ ពោលគឺ តណ្ហារបស់មនុស្សដែលធ្វើឲ្យគោលការការណ៍នោះ រីកចម្រើន។ គោលការណ៍មានសារៈសំខាន់ណាស់ ដោយក្នុងករណីដែល គោលការណ៍ត្រូវបានបំភ្លៃ គឺសង្គមនយោបាយទាំងមូលត្រូវធ្លាក់ចុះ។ លោក ម៉ុងតេស្គីយើ បានបែងចែកទម្រង់នៃការដឹកនាំជា ៣ ប្រភេទគឺ ការដឹកនាំបែបសាធារណរដ្ឋ ការដឹកនាំតាមបែបរាជាធិបតេយ្យ ការដឹកនាំតាមបែបផ្តាច់ការ។