ជីវិតចាប់ផ្តើមយល់ នៅពេលមានអាយុកាន់តែច្រើន!

ជីវិតចាប់ផ្តើមយល់ នៅពេលមានអាយុកាន់តែច្រើន!

១- “ ពេលវេលានៃជីវិត “ របស់យើង

នឹងថយចុះជារៀងរាល់ថ្ងៃ គួរឈប់ស្តាយអាល័យ

អតីតកាល ។ 

២- “ សុភមង្គល “ មិនមែនកើតមានឡើង

មកពីយើងមានប៉ុនណា ប៉ុន្តែវាអាស្រ័យលើ

យើងចេះស្កប់ស្កល់នៅពេលណា ។ 

៣- “ មានជួប មានព្រាត់ប្រាស “ វា

គឺជារឿងធម្មតា ដែលត្រូវតែកើតឡើងចំពោះ

មនុស្សគ្រប់រូប ។ ហ្វឹកហាត់ឲ្យវាធ្លាប់ ថ្ងៃណាមួយ

វាប្រាកដជាមករកយើង ។ 

៤- អ្វីមួយដែលយើង “ មិនអាចគ្រប់គ្រង

វាបាន “ អ្វីទាំងនោះកំពុងបង្រៀនដល់យើង

ឲ្យចេះដោះលែង ។ 

៥- អ្នកណាអួតអ្វី ក៏ជារឿងរបស់គេ 

វាគឺជា “សិទិ្ធរបស់គេ “ យើងត្រឹមតែ

រក្សាចិត្តរបស់យើងឲ្យបាន គឺកុំទៅ

ច្រណែនគេ នោះគ្រប់គ្រាន់ទៅហើយ ។ 

៦-  “ គ្មានអ្នកណាម្នាក់ពូកែទៅគ្រប់រឿង 

ហើយក៏គ្មានអ្នកណាម្នាក់អាក្រក់ទៅគ្រប់រឿងដែរ

យើងមានទាំងរឿងពូកែ និងមិនពូកែឆ្លាស់គ្នា ។ 

៧- កុំគិតច្រើនខ្លាំងពេកថ្ងៃនេះ ពីព្រោះ

មិនដឹងថាយើងនឹងអាចរស់នៅដល់ពេលណា

ធ្វើវាឲ្យល្អ ហើយដោះលែងទៅ ក៏គ្រប់គ្រាន់ហើយ ។

៨- កុំទុកអារម្មណ៍មិនល្អនៅក្នុង

ខ្លួនតែម្នាក់ឯង រៀនបញ្ចេញវាមកខ្លះ ។ 

៩- ថ្ងៃណាដែលយើងបានប្រសើរ 

កុំមើលងាយមើលថោកអ្នកណាម្នាក់

ព្រោះមិនដឹងថាថ្ងៃណាយើងនឹងបរាជ័យដូច

គេដែរ ។ 

១០- ជីវិតគ្មានគោលដៅទេ 

ចូររស់នៅជាមួយពេលវេលាបច្ចុប្បន្ន

កុំមានក្តីកង្វល់ពីគោលដៅ ពីព្រោះពេលខ្លះ

វាប្រហែលមិនមានពិត ។ 

១១- “ យើងមកខ្លួនទទេ ទៅវិញខ្លួនទទេ

កុំទៅសង្ឃឹមច្រើនពីជីវិត ថ្ងៃណាមួយ

យើងក៏ត្រូវស្លាប់ ការមានដង្ហើមដកនៅពេលនេះ

ហើយធ្វើអ្វីៗដែលល្អ អស្ចារ្យបំផុតហើយ ។ ៚

ប្រភព ៖ Lim Sothy